السياج هذا يجي عادة مع طقم لحاف سرير البيبي بس عادة في أطقم يجي معاها وأطقم ما يجي معاها واحيانا اللي ما معاها يبيعونه لحاله موجود بسنتر بوينت و يسمى ماص الصدمات لأنه يحمي الطفل من الاصطدام بجوانب السرير ويحمي يديه ورجليه من انها تنحشر بين القوائم
بادور له صور وانزلها لك الحين ..

بنتي مثل نتك لعب فيها الناموس بس أنا ما احب الناموسية أتخيل أقفل على بنتي ومعها ناموسة جوه

يالله والله شغلانه دا الناموس الله ياخده المشكله يصير وجها كله احمر كانها حساسيه وتجلس تحك فيها تحزني والله هادا واحنا جايبين اللمبه اللي بالكهربا اللي تقتلهم ومافي فايده ..
شجووره انتي بنوتك كيف شكل سريرها ومن وين اخدتيه وتنصحيني بمكان معين اشتري منه ؟؟

شوفيها هذه اللي مثبتة على جدران السرير من الداخل

سرير بنتي بصراحة كان سرير أخوها بس ما شاء الله لو شفتيه كأنه جديد لأنه لمن صار عمره سنتين تقريبا فكيته ورفعته وجبت له سرير ثاني النوع المنخفض اللي بحواجز صغيرة علشان يقدر يطلع وينزل لحاله فما لحق السرير يستهلك
لونه خشبي وما شاء الله قوي ومتين وكبير نوعا ما يعني ممكن يكفي لثلاث سنوات وأكثر شريته من سنتر بوينت تقريبا ب 700 ريال بس بعد ما شريته بشهر او شهرين نزل عليه خصم ب 500ىريال

مس أمل بما انك في جدة إذا تبغين شوري روحي مركز الحيب التجاري في باب شريف هناك تحت الدور الأرضي بتلقين محلات تجهيزات أطفال بتلقين تشكيلة أسرة وناموسيات وكل ما يخطر على بالك وبأسعار حلوة ..ولو فرضا ما عجبك شي (وانا متأكدة بتلقين اللي يعجبك) ارجعي لسنتر بوينت..أنا ناوية أروح علشان اشتري مشاية لبنتي من هناك

وبالمناسبة برضه أطقم المفارش حقت سنتر بوينت جدا ممتازة برضه بس نفسي أجرب غيرها