هلا توتي

حياك الله انتي و دحومي

نورتوا تجمعنا

بنات وين احصل ليفة الاستحمام للاطفال ؟؟

و كمان ودي اشتري العاب لولدي وش تنصحوني وش اشتري له العاب تكون مناسبه لعمره (٦ شهـور )؟؟

مساء الانوااااااااااار


ادري مطوووووووووولة الغيبة عنكم بس وش نسوي هذه الدنيا لكن لكم وحشة بالحيل وبرهومي يسلم عليكم نفر نفره

واحاول مانقطع عنكم ... وكيف الغوالي في التجمع

وبرهوم طلع له سنين يزننوووو يانس بس الحين مرة متعبني شكله في اسنان جديدة طالعه الله يعين عليهم بس

هلا تووتي حياك انتي ودحومي وحشتوووووونا وياحياتي عليه حاولي تعطينه خضار مسلوقه

وريف وش هالتطعيمه اول مره اسمع بها وهل هي اساسيه ؟

والالعاب اتوقع في سنتر بوينت تحصلين لالعاب ومكتوب العمر عليها ادخلي وشوفي

حلم حياااااااااك حبيبتي اخبارك؟

مسااء الخير

ادري انو مو مكاني هنا بحكم عمر بنوتي بس قلت يمكن الاقي جواب يريحني

بنات تكفون وش الحل كل العالم تقول انو نوم الاطفال يتعدل بعد 3 شهور وانا ما شفت شيء بنتي الله يصلحها لها تقريبا اسبوع بالخامس ولا فكرت تتعدل بنوم

الله يخليكم الي عندها طريقه تساعدني انا تعبت والله اهيا من جهه وابوها من جهه دوامه شفتتات