شامبو هيربل
•
يالله يابنات شدو حيلكم انا اليوم رحت سجلت منازل بس يوم جيت استلم الكتب مالقولي كتب فابروح يوم ثاني واستلم الكتب جيت البيت ودخلت هنا واخذت فكره عن الكتب والدروس الاولى ماعدا الفقه جبت لي دفتر وقلم وكتب خطه للمذاكرة وأي شي يصعب علي مين ممكن اسأل ولمين اروح عندي ثلاث أشخاص ممكن استفيد منهم لو صعب علي وكل شخص ممكن يساعدني كتبت اسمه ومخليته لاي ماده مع بنات المنتدى الي ان شاء الله ماراح يقصرون وأكيد بشتري كتاب تبسيط للانجليزي وشريت من المكتبه ورق الملاحظات خذت حجمين كبير مسطر ووسط اكتب فيها اي تعريف واسأله لكل درس حسب خطتي بقي بس اذا خذت الكتب احدد الايام وكل ماده مته اذاكرها يابنات شدو حيلكم وهمتكم ولاتقولون انا خلاص كبرنا اعرف وحده تقربلي عمرها خمسه واربعين وماشاء الله كملت من اولى متوسط وماشاء الله تخرجت العام من الثنوي تعليم الكبيرات يعني الدراسه مالها عمر معين حتى اخوي وهو متزوج وموظف تخرج العام من الجامعه وهو ماكان معه الا شهادة سادس ابتدائي دخل المتوسط والثنوية ليلي وتخرج منها ودخل الجامعه انتساب والحمد الله تخرج إدارة اعمال وندم انه فوت عليه كل هالسنوات وهو ماكمل الحمد الله احسن من ان الواحد يجلس بدون دراسه ومستقبل احس في هالزمن وش للوحده بدون شهاده اذا قالو ام فلان او ام فلانه وش معها من الدراسه قالو متوسط او مامعها الا الابتدائي يمكن من زمان عادي بس الحين احسها مو حلوه للوحده تصير بدون شهاده وياريت يصير عندنا طموح ونفكر لقدام وندخل الجامعه ان شاء الله انتساب وليش لا مادام الطريق قدامنا مفتوح مع التوكل على الله سبحانه وتعالى وبعدها الاجتهاد والمثابره
سبحان الله الحمد اللهسبحان الله الحمد الله
شامبو هريبل
الله يسعدك على التشجيع انا من العام حبيت اكمل دراستي والظروف ما سمحت وراح علي التقديم
قوليلي كيف طريقة تقديمك للمدرسه انا ملفي عندي اقدر على طول اروح المدرسه اقدم ولا لازم ورقه من المدرسه الاولى :confused:اخاف يروح علي التقديم ,,
الله يسعدك على التشجيع انا من العام حبيت اكمل دراستي والظروف ما سمحت وراح علي التقديم
قوليلي كيف طريقة تقديمك للمدرسه انا ملفي عندي اقدر على طول اروح المدرسه اقدم ولا لازم ورقه من المدرسه الاولى :confused:اخاف يروح علي التقديم ,,
اذا منتظمه بتدرسين روحي لا تتاخرين اما اذا منازل عادي روحي في اي وقت اهم شي قبل الاختبارت بشهر ونص او شهرين
الافضل انك ما تتاخرين اذا منازل اتوقع ما يحتاج ورقه
الافضل انك ما تتاخرين اذا منازل اتوقع ما يحتاج ورقه
الصفحة الأخيرة