الي يقولو اختلاط موكلها انا سمعت انه فيه مدآرس غير مختلطة

ننتظر الخبر الاكيد من تجاربكم يامهآآت

حلوه فكرة التعليم المبكر للغة الانجليزية
بس ماتخافين الاجانب يغرسون في طفلك افكار او معتقدات دينهم
خصوصا انه العلم في الصغر كالنقش على الحجر
واي رساله يحبون يغرسونها في الاطفال ماراح تصعب عليهم

انا هذا اللي مخوفني
صحيح ابغى ولدي يتعلم لغات بس خايفه يعون راسه بافكار وخرابيط من عندم
خصوصا ان المناهج اجنبية وتتكلم عنهم
وعن الميلاد وحضارتهم وتاريخهم
صح او انا غلطانه؟

هع هع عارفه اني قااطه هينا ..

يعني لاني متزوجه ولا عندي عيال ههههههههه وبالرياض ههههههه


بس بقدم لكم نصيحه عن تجربه بحياتي لا اكثر ولا اقل ..

انا درست طوول عمري عند مدرسات عربيات .. انقلش .. واللاسف مستواي كل السنين الي راحت ماتغير ..

هالسنه تدرسني مدرسه اجنبيه .. درستي بريطانيه بعدين الحين تدرسني امريكيه .. ودرستني ماليزيه .. طبعا هذا كله بالجامعه ..

بس والله والله والله استفد استفااده فضيع وصرت واثقه من نفسي حتى لو غلطت بكلمه ماتقول لي كلمه .. بالعكس تعدل لي الكلمه وتكمل ..

كلنا كـ طالبات صرنا نتكلم بكل ثققه .. حتى لو غلطنا محد يضحك عكس اول العربيه تجلس تضحك علينا..

تخيلو رحت للمدرسه حقتي قلت انا الانقلش شوي صعب علي وكذا قالت لي خلاص انا بساعدك ومدري ي ايش تخيلوو تقول لي

انا الحين اتعلم اللغه العربيه تقول انتم ماشاء الله تحكون العربيه بـ طلاقه والعربيه صعبه جداًًً فـ لو تشدون على انفسكم بـ تتقنون الانقلش ..

وبــس هدفي من الي قلته كله .. انكم تدورون مدرسين اجااانب .. العرب نصيحه لاتقربوون منهم .. ..

حاولو تروحون مدارس مناهجها تقارب منهاج المدارس العاديه بـ دين طبعاً ..

وبالتوفيق والله يجعل عيالكم قره لـ اعينكم ويفرحكم ببرهم وتوفيقهم وعرسهم هع هع ..


للمعلوميه في اجنبياات مسلماات ... وغير كذا ترى اول ماتوصل المدرسه لـ سعوديه ..

توقع على عقد انها ماتحكي عن ديانتها بـ اي كلمه ..

مدرستي كنت اصلي بكلاس العصر والظهر لان محاضرتي 5 ساعات تقريبا ..

كانت تطالعنا متعجبه .. لدرجه طلبت منا كتب عن الاسلام ..


ميمو كانت هُنا هع هع

ربنا يسعدك ميمو .......... حلو كلامك اللي نستشف منه قوة واعتزاز في شخصيتك ودينك وبلدك ..... وهذا أول شيء الاجانب يزرعونه لعيالهم ......... ومن تجربة تبين الاجنبي جدا جدا جدا يحترمك ...... خليك معتزة وفخورة وواثقة في دينك بدون تشدد ...... انا اتمنى مدرسة تخرج صغار حلوين حافظين القرآن كاملا + لغة انجلزية تحدث ممتاز من مدرسات اجنبيات + شخصية مميزة ............... وين هالمدرسة ياترى ؟؟؟؟؟؟؟؟

الي اعرفه ان المدارس العالميه ما تقبل السعوديين للاجانب بس او الي امه مو سعوديه , بس هذا الكلام من 10 سنوات لما كنت اسأل عن المدارس وطريقة التدريس لاول اولادي وكنت حابه اسجله في مدرسة اجنبيه عشان اللغه ورحت كذا مدرسه مهم الصافي وهي الي عجبتني من ناحية المبنى والمدرسين والاداره وهي طبعا اختلاط , ورحت اسيا العالميه مبناها بيت وضيقه بس مدرسينها كلهم اجانب وفي مدرستين بس نسيت اسمائهم .

هذا الكلام من زمان يعني يمكن الحين تغيرت الانظمه .