انا بشرتي دهنية
وشعري دهني
ما اقول الا الحمدلله على كل شي..

انا استخدم صابونة لحبوب الشباب...والحمدلله خفت..وكورس علاج مراهم وحركات.

جات فترة احط قناع البطاطا مرررررة خطير.. احس وجهي يبيض ويشرق..
اسلق البطاطس وافرمها..واحط لها ملعقه حليب بودر وملعقه نشا... واحطهم الين ينشف وبعدين اغسل وجهي واحطله موية ورد..
بس الحين مع علاجي بطلت كل شيء...:(

هلا فدوة امي
المرطب اللي استخدمه هو اساسا كريم انبوب اسمه ديرموسول وفي نفس الوقت هو مبيض وواقي للشمس كنت اول مااستخدمه يفيدني مرة وتبان نتايجه خلال اسبوعين لكن الحين مفعوله جدا بطئ لاني عليه من سبعة شهور حاليا استخدم جل طبي لونه اخضر وابيض يقشر مكان الحبوب القديمة ويجفف الحبوب اللي بتطلع يقولون نتايجه ماتبان الا بعد 3 شهور ومالي غير اسبوعين من يوم مااستخدمته وبننتظر بس بصراحة حلو لان الحبوب الجديدة مايطلعها والحين استخدمه وصار يحرقني واهم شئ انك ماتتعرضين للشمس وهو في وجهك والا النتايج بتصير سلبية غسلي وجهك زين قبل ما تطليعين وحطي واقي شمس واخرجي وانتي مطمنة اسمه ايزوتركسين وكنت سابقا استخدم سكنورين لظهري وخفت الحبوب بشل ملحوظ ومابقي غير اثار بسيطة جدا..........وبالتوفيق يابنات ولاتنسون تدعولي لان كل قلته لكم استخدمه وبينت لكم نتايجه

انا بشرتي دهنيه ( كانه عليها زيت مازولا من اللمعه ) دهنيه مع مرتبه الشرف وبدون منازع...
اليكم الخطوات اللي تحسن من منظر البشره لدهنيه...

1- اولا اخلط مقشر المشمش ماركه ستيف اللي مكتوب عليه ( للتحكم في البثوربخلاصه المشمش للبشرة الدهنيه او المعرضه لحب الشباب ) أنتبهوا في نوع مبيض وعادي بصراحه من استخدمت هالمقشر اللي للتحكم بالبثور قلت الحبوب واااااااااااااااااااااجد والخلطه السريه هي ( كميه من المقشرst.ives blemish control + صابون لوريال السائل اللي لونه ورديsoftening foaming gel) وافرك البشره بلطف وانشف وجهي .. واحط مرطب من كريستيان ديور.

2- احط البيس من ميك اب فور ايفر اللي لونه وردي ( يتحكم بالدهون ويثبت المكياج)اسمهdiamond cream وبعده احط كريم اساس من ايستي لودراسمه مكسيمم كفر... اوأي نوع خاص للبشره الدهنيه

3- احط بودره ماك بالفرشاه + بودرة كانيبو بالاسفنجه المخمليه الكبيرة من ميك اب فور ايفر بالضغط مش بالحك ( هذي الحركه تثبت البودره وتخلي البشرة مخمليه).

4- وبس اكمل المكياج العادي.

* كيفيــــه تنظيـــف البـــشره من المكيـــاج ( طريقه التنظيف هذي بالخطوات الاتيه تقلل من البثور وااااجد بس اتبعيها بالخطوات نفسها وبتدعين لي ...وحقوق الطبع محفوظه لانها من اختراعي وجربتها على كذا وحدة من صديقاتي ونفعت معاهم...بالاضافه الا اني جربت كل الماركات ووصلت الى انه افضلها اللي راح اذكرها)

- اولا امسح وجهي بمناديل جونسون الورديه الخاصه بالمكياج ، بعدين انظف وجهي بالحليب والتونيك من اي ماركه انا استخدم نيفيا أو لوريال بواسطه القطن.

- بعدين اروح الحمام اخلط المقشر ستيف+ الصابون لوريال ( الخطوة رقم 1- ذكرتها فوق) احط المرطب.

- والله ثم والله انه من بعد ماكان وجهي كله حبوب هالطريقه خلت وجهي صاااااااااااااافي( قولوا ماشاء الله ) ولااثر لحبوب والمكياج ثابت ولا احلى ...يمكن تحسونها طويله بس انا عودت نفسي..وبصراحه استغرب من اللي تقدر تنام ووجهها مش نظيف ولاتقولون دوام ولا تعب انا موظفه بعد وارجع هلكانه... بس لما شفت الحبوب اختفت من وجهي لا والله لو ميته من التعب طبعا بسويها كلها ..لان النتيجه ماشاء الله بشرة رووووووعه..والمكياج ثااااااااااااابت.

- دعواتكم بالتوفيق والستر...

للرفع

انا بشتري مختلطة ولي عودة:)