^
^
ربي يخليك ويسعدك على هالنصايح
ولاتغيبين كثير ننتضرك..
لكن بقولك حاجه بخصوص الكلام الحلو
تخيلي اذا قلت له في رساله مثلا يتغلى <<ماينعطون وجه هع
عشان كذا اذا طلبني مره ثانيه ارفض ويزعل وهذي حالتنا دايم :(
^
^
ربي يخليك ويسعدك على هالنصايح
ولاتغيبين كثير ننتضرك..
لكن بقولك حاجه بخصوص الكلام...
بس تجربتي وقناعاتي تقولي العكس تماما
انا متزوجة من 5 شهور
و فترة الملجة كانت 7 شهور وزعلت وايد لما قرب العرس
وكنت اتمنى انها تزييييييد لانها احلى فتره
كان كتب الكتاب قبل الحفلة ب 40 يوم وما رضيت يزورني لين البعد الحفلة و بمعدل مرة إلى مرتين فالاسبوع
وبوجهة نظري انه كل ما طالت المده كان احسن لانه .. بعد كل مره نتخانق ونتصالح فيها
نفهم بعض اكثر و اكثر
و بشهر العسل صح كان فيه خلافات .. بس نحاول نتفاهم و نفهم وجهات نظر بعض
و اسباب الطلاق اللي تعايشتها مع بعض البنات و الشباب من اهلي و معارفي
يا انه الشخص عنده عقد نفسية من الاساس وما يقد يتعايش مع شريك حياة .. وهذا اذا سؤلو عنه او عنها زيييين ما زين قبل الخطوبة .. ف بيتفادون الطلاق المحتم بعد الزواج !!
و الشي الثاني هو العناااااااااد والدلع الفاضي و عصيان الزوج
مثلا اذا البنت تطلع و تحط مكياج اوفر .. واعتقد انه اللي ما يغار على مرته مب ريال
فمن حقه يعصب وحالات الطلاق المبكرة جدا اللي اعرفها تكون لهالسبب الصغير
وانا اعترف اني كنت اعانده في شغلات بحجة اني ما كنت متعوده على هالشي قبل الزواج
بس الحمدلله اقتنعت بغلطتي .. وماصرت اسوي الاشياء اللي يعصب منها
و نصيحتي لج في فترة الملجة انج تفكرين فالسوالف اللي بتقولينها اكثر من مره
يعني بالاخير قولي السوالف الحلوة و ادفني على السوالف المره
لانه الريال مايبي من مرته الا الحلو ^_~
واذا بخااااطرج تقوليله كلام حلو واستحيتي (حتى لو ما كنتي مستحية .. سوي نفسج لوول) دزيله مسج بالكلام الحلو
وبعدين اذا سألج عنه .. استهبلي عليه و قولي :baby2: متى!! ما اذكر!!
وكملي الادعاء بالبراءه:p
واستعملي عطر واحد معين اغلب الفترة في فترة الملجة بس تأكدي انه يعجبه اول
و بشهر العسل استخدمي عطر ثاني بعد
وبعد ما يطول الزمن طلعي هالعطري بفترات و تعطري منها .. وكل عطر بيذكره بالفترة المرتبطه فيه
انا كا ما تعرس وحده من ربيعاتي اقولهم هالفكره و يشكروني عليها لانها تنفع >_<!!!