ليش حياتي يمكن خيره
تفائلي خير ترا الفال الخير يجيب خير والفال الشر يجيب شر
خليك متفائله خير :27:

فديتك اموله ربي يحفظك

الجميع ****لله
ومتى زواجك؟

لسى ماتحدد لاكن الاكيد بالصيفيه
ها انتي كيف مستعده لشوووفه >>الله يعينك

السلام عليكم

ماشاء الله ماشاء الله
الله يوفقكم يااخوات ويرزق اخواتنا الباقيين

انا تزوجت قريب
ولكن عندي نصائح تخص كل شيء ومابغى الا دعواتكم ان الله يوافقنا

النقطه الاولى
be yourself
كوني على طبيعتك مهما كانت هي
انت نعومه خليك نعومه انتي مرحه خليك مرحه وتذكري مو حلوه الانسان يسوي شيء مايصلح له لان بيطلع متصنع !!

النقطه الثانيه
مهمه جدا جدا انك ماتعاكسين عاداتكم وتقاليدكم وعاداته وتقاليده
مثلا احنا عادي عندنا كل شيء تكلميه وتطلعين معه ويجيك وتسهرين معه لانه عادي بعادتاتنا احنا الاثنين
ولكن
لو انتي اهلك مايسمحون لك تكلمينه مثلا لاتكلمينه بالدس ومن ورى اهلك لان هالشيء بيطيحك من عينه وبيخليك انسانه قويه وجريئه وبععض الرجال يمكن يفهمونها ان لك سوابق !

يعني نمزحج النقطتين خليك على طبيعتك ضمن العادات والتقاليد !!

النقطه الثالثه
لو مارتحتي او شفتي منه اطباع سيئه لاتترديين انك تستشيرين منهم افهم منك واكبر لانك لسى على بر الامان!
اعرف وحده زوجها ايام الملكه ماكان يهديها وكان يتمشى معها ولا يوديها المطاعم ولا يشتري لها شيء وكانت تخبي عليه وتزوجته واكتشفت انه بخيل وهي ندمانه ليش ماخذت رايي احد او انفصلت عنه ايام الملكه
تذكري انك على بر الامان لسى !

النقطه الرابعه
حاولي تخلين اهلك خصوصا الذكور منهم على اتصال دائم فيه
مثلا ابوك يسلم عليه
واخوك يجلسس معه
لان هالشيء برفعك بعينه

النقطه الخامسه
اربطي لسانك ولاتقولين له اي سر هالشيء حتى بعد الزواج
الزوج ماينسى ويعيير
حتى لو تهاوشتي مع اختك او اخوك لاتقولين له

النقطه السادسه
خذي ماتردينه بهدوء
العناد
العصبيه
فرض الأي
ولا شيء بيجبر الرجال
دايما تصير مشاكل بالملكه على السفر والزواج وكذا
لاتخلينها تصير ذكرى سيئه لك بالمشاكل

النقطه السابعه
مايخص التجهيز ونصيحه مجرب
نوعي الملابس لاتكون كلها كشخه ورسميه ولاتكون كلها سبورتات
والشيء الثاني خذي اكبر من مقاسك لانك بتسمنين خخخ


النقطه الثامنه
اعطيه هديه وسوي له حفله بالبيت
مو شرط حفله يعني ذوقيه طبخك
او حتى اعزميه بمطعم

النقطه التاسعه
وتراهي مهمه مهمه مهمه
عزي اهلك
عزي اهلك
عزي اهلك
تراهم سندك
كثير بنات يقلبون على اهلهم بعد الزواج او يحتمون برجالهم
ترى مافي خير ببنت تبدل ابوها بزوجها
عزي اهلك وبيعزك هو
لانك لو طيحتي من مقدار اهلك بتيطحين من مقدارك


وهذا والله اعلم
بالتوفيق للجميع :)