بنات خل نستفيد من هالتجمع
يعني انا مثلا طباخة ولله الحمد اللي تبي مساعدة في الطبخ تسالني وكذلك الخلطات ماخذه ماجستير من كثر ماجربت هههه
انا اذكر وحدة سالت عن الكبسةوانها ماتعرف عشان كذا بترع اعلمكم كبستي
انا هذي كبستي الكشخة يعني اذا كنت رايقة
تاخذين دجاجة تغسلينها زيييين بس ماتقطعينيها تخلينها بكبرها وفركيها بليمون وخليها يعني في حدود 15 ساعة بالليمون خلال هالوقت قطعي بصلة صغار ونص ليمونة صغيرة قطعتين واخذي القدر على النار وحطي شوي زيت عشان مو حلو الدسم وحطي البصل وحركي لحد مايصير البصل شفاف يعني مواصفر لا قبل انه يصفر بعدين تجيبن الدجاجة بعد ماغسلتيها من الليمون وتحطينها على البصل وتقلبين ولحد ماتصير بيضاء ويروح الحمار وخلال التقليب تحطين قطع الليمون وعود قرفة وحبتن هيل وحبتين قرنفل وحبتين فلفل اسود كله حب بعدين بعد التقليب تضيفين الموية المغلية ويكون مستواها اكثر من الدجاج بعدين غطيها وخليها اول 10 دقايق على نار عالية بعدين خليها على نار متوسطة بعدين غسلي الرز وخليه في موية ينقع وبعدين جيبي لك جزر وفلفل بارد وبقدونس وكزبره وطماطم وبصل كلها قطعيها صغار والجزر ابشريه وسوي حمسة بصل وطماط بعدين ضيفي الخضار وبهريها وخليها تستوي بعدين طفي عليها وخليها تبرد( هذي حشوة الدجاج ) وبعدين جيبي 4 طماطم وقطعيها بالنص وحطيها بقدر فيه شوي زيت ونص بيالة موية وخليها على نار هادية وغطيها 10 د بس انتبهي لاتحترق اذا حسيتي الطماطة لو حركتي القشر تحرك خلاص طلعيها واخلطيها بالخلاط ورجعيها القدر وخليها تطبخ واضيفي عليها 4 م صلصة ونص علبة كاتشب وملحيها وخليها على نار هادية بعدين جيبي تاوة حطي نص كاسة زيت واذا حمى الزيت تكونين هارسة نص حبة ثوم حطيها على الزيت وحركيها لاتحترق وبعدين م كزبرة ناشفة وبعدين قبل لايحترق الثوم صبي الزيت على قدر الطماط بس انتبهي لايطير في وجهك الزيت هذا يصير (الدقوس الكويتي ) الحين طلعي الدجاجة وحطيها بصينية وجيبي الحشوة واحشيها بها وحطي الرز على مرقة الدجاج بعد ماتطلعين الليمون وتملحين المرقة وعشان تعرفين ان الموية مناسبة اذا حطتي الرز جيبي ملعقة ووقفيها في وسط الرز اذا وقفت الموية مناسبة اذا طاحت طلعي من الموية عشان مايصير الرز جريش ههه
المهم نرجع للدجاجة اذا حشيتيها لك اختيارين اما تقلينها او تحمرينها اذا بتقلينها حطي في الفتحة حقتها عشان مايطيح الحشوة خلال القلي قطعة صامولي اقطعي راسها وغطي الفتحة واذا تبين تحمرينها تكونين مجهزة 2 م صلصة مبهرة ومملحة وخذي فرشة الطبخ وادهني الدجاجة ودخليها الفرن ومن فوق واذا تحمرت جهه اقلبي الدجاجة عشان تتحمر الجهه الثانية وبعدين قدمي الرز مع الدجاج وطبق الدقوس وبالهنا والعافية

بالنسبة للخلطات احسن خلطة جربتها للاسف ماعاد عدتها هي شوية فكس وفازلين مع جلو سوليد وعصير ليمونه خياااااااااااال شوي عليها كنت حاطتها بعلبة وكل ماتوضيت نشفت يديني ودهنت طلعت ايدين يدين بيبي
وبعد الجسم خيال بس مع البرد الواحد يجيه عجز موطبيعي

علامو علامو مايبين غرامه:hahaha:

بصراحه اسمك عاجبني مدلع خلقه ماعرفت ايش ادلعك:hahaha:

الموهم ياقمر ربي يسعدك دنيا وآآآآآآآآآآآآآخره ويسعدك مع زوجك

انا من ناحيه الخلطة عندي خلطه ملعتين زبادي +ملعقتين خل التفاح+ ملعقه خميره وتخلطيها وتحطيها على جسمك ووجهك مثل القناع بس بشرط استمري اسبوع وشوف النتيجه وااااااااااااااااو
تستخدم اللي عندهم حبوب وبقع بنيه وآثار الحبوب في الظهر الوجه الذراع بس استمري عليها وتشوفي النتيجه
ماعد ترجع الحبوب والآثار
بس الله يعينكم ريحتها :01::11: بس استحملوا مافي خلطه ريحتها حلوه اصلا مجرد تاخذين شور خلاص تروح

عاد لاتنسو تدعون لي

علااااااامو علاااااامو انا استخدم خلطتك من يومين بس انا احطها برجلي ويديني والبس شراب وقفاز هع طوال الليل
كم يبي لها عشان تبين النتيجه؟؟؟؟
هي تفتح ولا بس نعومه ولا شو؟؟
وبالنسبه للطبخ انا فاشله افيه اتمنى تنصحينا انا والبنات
ملووووووكه هلا بك يالغلا

السلام عليكم
حبايبي كيفكم ان شاء الله بخيرات
اول مرره ازوركم هنا في تجمعكم
والله يوفق كل عروس يارب ويرزق على بنوته