السلام عليكم
كيفكم حبيباتي
ياناسو باركولي عنون مامتها اليوم تكمل 4 شهور كللللللللللوش <<< العمر كله يانور دنيتي انتي
اليوم كان عند بنوتي مراجعه عشان عيونها بس تدمع
وقلت مره وحده اسال الدكتور عن ايش ااكلها لانه قبل اسبوع قالي لمن تجين المراجعه اقولك وش تاكلينها بما انها راح تكون كملت اربع شهور
فقال لي ابدأ بسلق تفاحه طبعا مقشره واهرسها مضبووووط وااكلها مره وحده في اليوم وابدا بالتدريج يعني مو أأكلها التفاحه كامله بوقت واحد لا
وقالي اسلق دقيق الرز عادي بمويه طبعا بدون ملح واحطه بالخلاط بدون مويته لوحده بس واسوي رضعه من حليبها (( مويه وحليب أخاف تفكرون انه بس حليب )) واحطه عليها واضيف شوية سكر مو كثير (( انا فكرت بدل السكر احط تمره (( رطب )) اشيل القشره مضبوط واحطها معاها )) واخلط تماااام الين يصير قوامها زي السيريلاك و اخف شوي بما ان الاطفال لسه ماتعودوا على الاكل الثقيل
وبعد قالي اسلق بطاطس واهرسها واحط لها شوي كمون وملح عشان تتقبله قمورتي ومع الايام اضيف مع البطاطس كوسه (( بس البطاطس احس لسه بدري عليها بكتفي بالرز مع الحليب _ والتفاح الين تكل خمس شهور بعدين ابدا بالخضار
وطبعا مو كل يوم ناكلهم لا بالتدريج تبداين بالاسبوع ثلاث مرات مثلا السبت تفاح الثلاثاء رز مطحون مع حليب الخميس تفاح وبعدين نبدأ نزيد الكميات ونزيد عدد الوجبات في الاسبوع وومكن تستخدمون الكمثرى بدل التفاح بس موز لا ماينفع لهم الحين طبعا المعلومه هذي مو من الدكتور من مامي ربي يحفظها
ووش بعد يامهاااااااااااااااااااااف
اعتقد بس خخخخخخخ عقلي مايجمع اليوم من اختبار للمستشفى والله اننا غلابه <<<<<<<, بديت احزن على نفسي خخ الله يعظم اجرنا يارب

وكتبت هذا كله عشان كل حبيبات قلبي يستفيدون وياكلون الكتاكيت فديت قلوبهم ربي يكبرهم بطاعته ورضاه يارب

ماتعرفون قد ايش فرحتي يوم قالي الدكتور اكليها حسيت اني من جد الحين اكون ام واقدر اهتم وااكل فديت اللي ياكلون ياناثو <<<تجننت لاتشرهون علي
اي سؤال ياحلوات انا حاضره وبالشوفه

السلام عليكم بنات كيفكم؟؟؟

في احد فقدني؟؟؟ :)

بنات الاحظ اغلبكم تعطون اطفالكم اشياء اخرى غير حليب الام... يعني فيكم مين اللي بتعطي منقوع التمر و اللي تشربه يانسون و اعشاب و اللي تاكله خضار...

حرام عليكم يا بنات امعاء الرضيع غير مهيئة اطلاقا لهذه الامور قبل ال6 اشهر ... حتى لو بلغ الطفل 6 اشهر لازم ياكل لما يوصل اخر الشهر السادس يعني اول الشهر السابع...

المفروض هذا التجمع ولا وحدة فينا تشرب او تاكل طفلها شي ابدا غير حليب الام ...

حبيت اعطيكم نصيحة و لا تزعلون مني... ترى انا كنت مثلكم...خبصت على طفلي و اتعبت امعاؤه و ما كنت اعرف انه خطر عليه

مهاف الله يحفظ لك بنوتك

انا بنتي بكره ان شاء الله تكمل اربعه

ما شاء الله الله بحفظها لي


مس فيفا

بالعكس جداتنا ينصحونا بالأعشاب

والرسول صلى الله عليه وسلم حنك الطفل بالتمر

اعرف يا ولاء

حتى انني حنكت طفلي بالتمر ايضا...

و كثيرا ما راودتني نفسي ان اعطي طفلي منقوع التمر لانه وزنه يزيد ببطؤ شديد....

و لكني خايفة على امعاؤه...

هل تنصحوني فيه لزيادة الوزن :(

انا عن نفسي ولدي الله يحفظه لي من كل شر
جاء وزنه ضعيف 2 كيلو وبعد ما خلص شهر طوالي بديت معه ع خفيف بمنقوع التمر يوم ويوم لا والحلبه احطها بالترمس اللي اسوي منه الرضعه احط 7 حبات حلبه + 7 حبات حبة البركه ويارب لك الحمد صحته تتحسن يوم عن يوم
هذا والله أعلم