بعد عمري هالسمرا دامج عرفتي بنفسج انا بعد بعرف بنفسي

انا برونزيه ماني سمرا حيل برونزيه وعاجبني لوني حده بس مع ذلك الاقي بنات من ربعي يدقون بالكلام مثل منتوا عارفين الناس تحب الوحده البيضا وربي اني اضحك هذا اللون الله عطاني اياه شسوي ؟وتذكري رضى الناس غايه لاتدرك عشان كذا ولاكنج تشوفين احد

ثاني شي شعري ناعم الحمدلله وعمري 22 وادرس بالجامعه

بس بقولج شغله يالغاليه شوفي وربي من اول مادخلت الكليه وانا ماشيه ورا ربعي واللي يسوونه بنفسهم قصوا شعرهم قصيته حطوا خلطه حطيت تكلموا تكلمت زيهم بس لمن وصلت سنه رابع جامعه عرفت انه انا لازم اهتم بنفسي واشجع نفسي امدح نفسي ولاتنتظرين تعليقات الناس عليج الدنيا تطورت اقري بالنت عن الصحه عن الجمال شوفي تلفزيون خذي راي وحده من ربعج تثقين فيها لكن اذمين نفسج بهالطريقه لا ترا بذبحج ==>تنرفزت هههههههههههه

دام انا معاج ازهليها وربي بتطفشين من تشجيعي هههه وعلى فكره تخيلي دوم اهتم بنفسي ورحت عالجت بشرتي وغيرت من نفسي كثير ولله الحمدلله بعد ماتركت كلام الناس عني ومع ذلك الاقي بنات ينتقدون ومو عاجبهم بس اعجبج معتهم الاذن الصمخه=>شرقاويه ههه



المهم بقولج الاشياء اللي انصحج فيها ولي رجعه بالصور باذن لله كل عشان خاطرج يالغاليه :


اول شي انصحج نصيحه من اخت الى اختها اذا في وجهج اي مشكله سوي زيي وروحي عياده عند دكتوره جلديه ثقه وتعالجي ولاتخربيطين وتقعدين تحطين خلطات ومدري شنو اول شي تعالجي من كل شي بوجهج بعدين اذا بغتي تحطين حطي براحتج وبقولج شي بعد قالته لي الدكتوره الاساس ابتعدي عنه ابتعدي عنه نهائيا حطيه بس بالمناسبات تكفين ترا قالت لي الدكتوره انه يضر الوجه 360 درجه تدرين شتحطين ؟ حطي واقي شمس وبعد كريم مرطب وبعده البودره العاديه مو الاساس شوفي البورده بس وبتشوفين شلون المشاكل بوجهج بتقل


بالنسبه لجسمج سوي حمام مغربي من فتره الى فتره فركي جسمج بليمون ليمون بس حطي حرتج ودامج مو متزوجه زيي خلاص شنو ورانا فركي كل يوم بليمون واذا اخذتي شور لازم لازم لازم لازم لازم لازم لازم ترطبين جسمج على فكره ترا الترطيب يفتح الجسم كثير وشربي ماي كثير كثير وكثري من اكل الفواكه والخضروات


وبالنسبه لشعرج اذا شعرج خشن سوي كراتين سوي تمليس حطي كل اسبوع حمام زيت


واهم شي بالحياه اهم شي الرياضه حطي باليوتب رياضه للنساء او المهم كتبي رياضه وسوي رياضه عشان يصير جسمج خوقاقي وانا معاج وبنشجع بعض باذن لله


واذا على الزوج وانا وخيتج ترا هذا نصيب سواء كنتي بيضه ولا سمرا كل وحده نصيبها مكتوب وماتدري عنه وماله خص البياض والسمار ولو الزواج بس حق البيض ماشفنا سمرا تزوجت لاتحطمين بنفسج وانتي مدرسه ماشالله اهتمي بنفسج وكشخي ولبسي وتعطري وتعدلي وماعليج من احد كل واحد يبي الزين بس انتي اهم شي اقتنعي بنفسج ومثل ماقلت لج خلي الناس كلها على جنب والله ثم والله الشكل صج مهم بس اهم شي النفس الحلوه ولاشفايدة وحده حلوه وصاروخ وقليلة ادب ووقحه وحالتها حاله ولاحتى تعرف تتكلم؟


لي رجعه للموضوع واي شي تبين تسألين عنه من خلطات من شي وربي انا اختج وحاضره وجاهزه واذا انتي بالدمام وتبين اسم العياده او المستوصف انا حاضره

شوووفي حبيبتي
انا حنطيه بس جربت خلطه لتبييض عجييبه من اول استخدام يبين الفرق
في كثثثثثثير قالوا انها موزيينه ومضره بس الحمدالله ماجاني شي بالعكس صرت بيضـآآ بشكل مااتوقعه


الخلطـه

علبه كريم جلسريد ص
3 م ك سودو كريم
فنجان جلسـرين
1 فير آند لفلي ك
1 كريم ايديال قوليله لتبيض لان فيه لحب الشبـآب
2 كريم بين
1 كريم منيرفا
1 كريم فيد اوت البني

اذا تبين البيـآض من دون ماتعبين نفسك على الفاضي استخدميه من دون ماتتردييـن وشهريييين وبتتفتح بشرتك بدرجه كبيييره
استخدميـه اول شهر كل يومين مره يعني تحطينها مثلا السبت بعدين الثلاثـآء والشهر الثاني مرتين بالاسبوع

وبتشوفين الفرق ومـآرآح تندمين ان شآءالله

وجربت خلـطه لشعـر حلووووه

زيت خروع
زيت زيتون
زيت جرجير
زيت الوز

حطيهم بتسـآوي واستخدمي شامبو غـآرنييه لشعر الجـآف وصعب التمليـس رووووووعه

ومـآسك من غـآرنييه او البلسـم

واتمنى من اللهـ لك الـتوفيق ويحقق مـرآدك

حبيبتي تر الشكل مو كل شي والله اني ساعات اشوف ناس اسم الحلى ما فيهم بس سبحان العاطي الوهاب

بسم الله الرحمن الرحيم المستخدم هذا >> ذو بشرة برونز على سمار بالاضافه الشعر متوسط النعومه الطول والوزن مناسبين بس مدبدبه
احب البياض والتفتح وعندي امل افتح كثير استخدم خلطات واحب العنايه المكثفه والتلميع والصنفرات هالشله
صحيح مثلك كلام الناس يدق دق ويتعب بس وش نسوي عندي امل انحف كثير وابيض وربي يحقق مرادي

موووووووووووووووووووووووفقين وليي رررررررررررجعة ان شاءالله