يابنات انا بقول لكم رأي واختلاف الراي لايفسد للود قضيه
للمعلوميه انازوجه اولى لاكن الي لاحضته ان الزوج مايتزوج الااذاكثرت فلوسه يعني يوم كان منتف وحاله على قده راضي باالوحده لاكن يوم صارعنده قرشين تزوج بلاه ماتحسون ان هذي نذاله (انااتكلم عن الزوج وادري ان بنت الناس الزوجه الثانيه مالهادخل >>>>>>>>>وحده خايفه منكم ههههههههه) واكثر جيراني الي جنبي ازواجهم معددين وعمي ابو زوجي معدد وكلهم بطرانين يعني الي عقيد والي تاجر والعقيد عنده اربعه تخيلو الثالثه عمرها 21 تزوجها العام الماضي والرابعه تزوجها بشهر خمسه هذي السنه مطلقه وعندها بنت صراحه احس انه يلعب ببنات الناس يعني ام 21ملهاالاسنه يروح يتزوج عليها طيب ياخي خلها تاخذنفسها كم سنه
بس تدرون ليه






















قل ايش يبي يلحق على عمره دام فيه حيل قبل لا يخرف هذا منطق يابنات ؟شي غريييييييييييييب
تصدقون من كثر ماشوف الي حولي والله ماعد اثق بزوجي صرت اتوقع اي يوم تكثر فلوسه يصكني بوحده مع انه يقول لي مستحيل وش ابي باالحريم اجمعهم مافيهم الا وجع الراس قلت ايه هين الله يخلي الديون والاقساط

طبعا كلامي الي فات كله عن الزوج اماالزوجه الثانيه فهي اخت وعزيزه وبنت ناس هو الي طق بابها يعني ماخطفته الزعل منه مو منها واكيد اي بنت يتقدم لها واحد صالح ومقتدر راح توافق بهاالوقت الي كثرت فيه العنوسه وكثر الشباب الصايع الي اخر همه المغازل والصياعه ولاهوقدمسؤلية الزواج

يؤيؤيؤيؤ

اثارينا صايرات رعب وش بلاك براد الصبح تطبطبين ولو انا من بنت 21 ما خذ هالشايب مدام ان له سوابق طلاق لاني حتما بكون تسلية واذا على الفلوس والله منتفين ويعددون على بالهم الى تجي تجيب رزقها معها

والله يكتب لك الخير وين ما كان ويسخر لك زوجك ولا تشوفي منه حرقة قلب


صدقتي يا عيون تركي انهم ما قصرن عسى ربي ما يفرقنا ويارب يعيد العيد علينا وحنا بصحة وسلامة
اما سالفة ملفنا وازوجنا هذي مو مشكلة يا خوفي يتركون لنا بعد اجرهن على صبرهن ويكونون فوتن حظ الدنيا والاخرة

اللهم امين ولا يغير على اى مسلم ومسلمة سعادتهم ويديم المحبة في قلوب كل الناس

فان خليت عدمت

هلا اختي ملامح نجد انا مااطبطب واجامل لا والله كلامي الخير كله جد وعن اقتناع
اماالخوف فانامااخبي عليك اناخايفه لا احد يفهمني غلط
واخيرا مشكوره حبيبتي على الدعوه الحلوه والله يوفقك ويسعدك

عفوا كتبت مشاركة ليست في محلها ولم اعلم كيف احذفها

مبرووووووووك رجوع ملفكم:icon28: :icon28: :icon28:
والله فرحت لكم من قلبي برجوعه لو كان حذفه الي صار كان فيه فايدة لنا بوجود حبيباتنا
الزوجات الثانيات عندنا واستضفناهم كم يوم وان شا الله ماشافوا قصور مننا وخاصة ملامح نجد
وعيون تركي وامراءة من الخيال


بنات تكفون لا تقاطعونا والله ان وجودكم كان مسعدنا ومالي الملف علينا ههههههه
اما قولتي اخذتوا ازواجنا وملفنا فهو من باب الدعابة ومثل مايكول المثل اذا سمعته يسبه اعرف انه يحبه
واعتذر منكم مرة ثانية عني وعن كل اخواتي الزوجات الاواليات
وفعلا يابنات لا تخلون الشيطان يكون بيننا نبي نستفيد منكم وانتم كذلك
نبي نعرف وش يضايق ويفرح الزوجة الثانيه وكذلك الزوجة الاولى وصدقوني فكرت اننا نفتح ملف يضمنا جميع
اسمه ( تجمع الزوجات اولاليات وثانيات) لكن خفت يحصل بيننا سؤ فهم ويدخل بعض الي يزيدون في االنار حطب ولا نستفيد منه

الله يهنيكم بملفكم
والله يجمع قلوبنا وقلوبكم على طاعته

بارك الله لكم وكل عام وانتم بخير
ولا تقاطعوننا