عزيزاتي
أخترعت هذي الطريقة بعد ما خربت عندي المرتديلات بالهبل أشكال و ألوان و رميتها للاسف او اكلتها لبساس الشارع
انا و زوجي نحب نشتري هذي اللحوم الباردة زي الروست بيف و التيركي و المرتديلات و الاجبان الشرايح .... الخ
و بالذات لو رحت و شفت عليها عرض اشتري كثير منها و عالفريزر
لكن كنت اواجه مشكلة في ازالة التجميد عنها فكنت اكسل اخرجها من الفريزر و احيانا انساها او تتكسر عليا و انا افككها عن بعض
لكن الحاجة أم الاختراع
ابتكرت طريقة روعه لحفظها فترة اطول بدون ما تخرب و والله كأني في نفس اليوم اشتريتها و لا تعدم ريحة الثلاجة و لا تنشف أطرافها
ما ادري ان كانت قديمة او تعرفوها من زمان لكن بصراحة انا ما شفتها في اي منتدى ثاني و أعتبر هذا إجتهادي الشخصي <<< عاملة فيها شاطرة
و هذي الطريقة بالصور و الشرح و التفصيل الممل لعيونكم
هذا التيركي المدخن اشتريته في الصحن زي كذا
اول شي افتحي النايلون على قد التيركي و لكن لا تقطعيه <<<أهم شي لا تقطعيه ولا تخرب الطبخة ههههههه
حطي في النايلون شريحتين تيركي او اي شرايح تبغي تحفظيها
By dodi_dabdoobi at 2010-12-18
غطيها بطرف النايلون و لا تقطعي النايلون
:cook: حطي حبتين تيركي مدخن ثانية
طبقي النايلون على التيركي يعني كأنك بتلفيه زي السويسرول بس خليه مسطح بعرض الحبات و اهم شي الاطراف في كل خطوة قفلي النايلون مزبوط عليها عشان لا يدخلها هوا
استمري في اضافة الطبقات على قد اللي عندك و لا تنسي اضغطي عالاطراف الجانبية لا يدخلها هوا
و هذا خلصنا الصحن الأول كله غلفته باحكام في النايلون
شوفو كيف مغلف من كل الجهات
و هذي الصحنين بعد ما اتغلفو
اذا انتهيتي من المقدار على طووووول حطيه في الفريزر يصير سهل عليكي كل ما اشتهيتي طلعيه قبل دقايق بس مو ساعات و من غير نقع في موية و من غير تعب و فككي الكمية اللي تبغي من غير ما تزعجي باقي الحبات خليهم الين يجي دورهم هههههه
و اتركيه في الهواء الطلق بحرارة المطبخ يسيح او ثواني في الميكرويف او على الصاج او بالطريقة اللي تحبيها و استمتعو بيها و كأنها فريش اليوم مشتريتها
دعواتكم لي و لوالدي و زوجي بالخير و ان يهبني الكريم الذرية الصالحة ان عجبكم موضوعي و شرحي
و ان ما عجبكم ادعولي عاد الله يهديني و احط المواضيع اللي تعجبكم و ترضيكم هههههههه
سلام عليكم
أحبطتوني :44: