السلام عليكم انا احب الطيور جدا والان عندي عدة عوائل وكلهم متعلمين علينه ويجون يتقربون من رجلينه يطلبون ان نرفعهم بأيدينا ولكني في الاونة الاخيرة اريد اشتري ببغاء شفت واحد اخضر هندي يسموه الدرة المطوقة ( ذكر) وسعره مناسب
هل من يشجعني او الغي الموضوع من بالي؟ هل هذا النوع يتكلم؟افيدوني ولكم الأجر والثواب والدعاء لكم جميعا بالفرج القريب بأذنه تعالى

ناوين انا وزوجي وولدي نشتري عصافير الكناري ثنين ذكر وانثى
سوال الي تعرف الفرق بين الكناري والكروان وش الافضل بينهم

عالم حلوو و غريب
بس ماقدر احبسهم

يااااااسلااااام احلى تجمممممع
احب شي اسمه حيوناااات >>> البنت طلعت من الموضوع
وخاااصة الطيور
من يوم وانا صغير اربي حيوانات
بعد زواجي ماعندي مكان ولا حوش فاضطريت بس طيور
انوااااع واشكااااال
الكنار يمكن عندي 20 نوع كل جوز بقفص تزاوجوا وفرخوا وتكااااثرو حتى صرت اوزع ع كل الاقارب الا نوع واحد لونه احمر يجنن نعوووم وهادى ودلووووووع هو وزوجته
لحد ماحملت فأضطريت ابتعد عنهن لانه مايصلح عند الحامل طيوو يوووه ياذاك اليوم ماهان علي قلبي اشوف زوجي يحملهن السياره رحت لاهلي وتخلص منهن زوجي وجلست اشهر اصيح عليهن اشتق لهن
واول ماولدت جبت كاسكو افريقي فرخ عمره 4 شهور ع 1800 ريال بدون خاتم .. صح صعب الاعتنى فيه يبغاله رعايه خاصه لانه صغير بس ماشاء الله كبر على يديني بعد الله وتربى صح ع ماأبغى
كم شهر الا وهو متأقلم
لازم يوميا اروشه تدرون سبحان الله عقليته تاصل لعقلية طفل عمره 3 سنوات
ابدا ماأستغني عنه حتى ولدي ابو سنتين يموت فيه ويلعبون سوا بالعاب خاصة كوره
اذا جاه النوم يصرخ ويون افهم انه فيه نوم اغطي قفصه واسكر اللبه والتلفزيون >>> مدلعته
يااااحبيله والله اغليه كأنه واحد من عيالي
الحين توه متعود ع الحمام >>>> كل ماطار بالبيت ووصخ اهاوشه هذا خطأ وعقاب تدخل القفص واكرر كلمة حمام وانا أشر ع الاستاند حقه
واول مره صلحها ع الاستاند صفقت له وشجعته وعطيته هديه قطعت تفاااحه هذه مثل الحلاوه للأطفال بس للتشجيع
لحد ماعرف الحمام وه بس فديييييته صح تعبت معه بس شفت النتيجه بوسط اللعب يروح للأستاند يقضى حتجته ثم يرجع يلعب
يتكلم كلمات كثيره مره
واهم خطوه علشان يتكلم اذا نام اشغل مسجل خاص يكرر كلمه وحده اقل شي 50 مره يومين الا وهو حافظها ان شاء الله عقبال مايحفظ القرآن
>>> ع فكره المسجل الخاص بالتكرار للطيور رفض زوجي يشتريه لانه كل العاب الطيور واكسسواراته شاريته خخخخ احب ادلع ولدي
صرت استخدم جهاز المحفظ حقي الحاجه ام الاختراع سجلت كلمه من صوتي وضغطت ع التكرار جهازي اقصى حد 10 صرت سهرانه علشان اذا خلص التكرار اعيده ماقلت لكم احبه
حتى بالسفر اخذه معي وعندي نيه قوووووويه اطلع له جواز
اذا صرنا بالوجبه او بالقهوه وهو ع الاستاند يجي يجلس بمكانه ( ياويله اذا جلس بوسط السفره علطول عقاب يدخل القفص وهو يحب الاستاند) بس يجي بجنبي وانا امد له

طووووولت عليكم سواااليفي كثييييره خاصه اذا صار عن طيري حبيبي

نسيت اقولكم اكله
التفاح فقط للتشجيع والتربيه
اعطيه عظم الدجاجه يحب يمسكها ويلعب معها
اكله الخاص و تباع الشمس
اعطيه عسل طبيعي اصلي (يستاهل) مره باليوم حاطته بعلبه صغيره مخصصه له اخذ منه بنهاية عود الشوا وادخله بفمه وهو يمصه


اي سؤال من عيوني
ودي اصور لكم استانده زوجي مخترعه له فكرتها ذكيه ماشاء الله