تجميل الطاولات

من وين انتي عشان نساعدك

للرفع

مرحبا بنات
انا صاحبة السؤال
استعرت من 100 تسبيحه اليوزر حقها
لأن كان فيه مشكله عندي
المهم اخواتي انا من الرياض
وياليت تفيدوني وش احط فوق الطاولات
حقت المعازيم
بس ترا ما ابي شمعدانات :)

ياليت والله وحده تفيدنا بهالاشياء
عندي زواج لأختي ومتوهقه فيها

هلا قلبي :26:

شوفي حبيبتي انا مثلك اكره ماأشوف الشمعدانات احسها حركه قديمه
كان عندنا حفله قبل فترة مسوينها لأختي في قاعه فكرنا وش نحط عالطاولات وبعد اللفلفه والحوسه لقينا فكره حلوه وانيقه ومرتبه رحنا لمحل ورود والله ناسيه اسمه هو بشارع مساعد العنقري لفينا كل المحلات اللي هناك ولقينا هذا افضلهم وشفنا عنده حركه غريبه فلينه مدوره كانها كوره مغرس فيها ورد وطالع منها اغصان على فوق كان لونها موف واخضر بس حنا غيرنا الألوان الى اورانجي واخضر عشان ديكورات القاعه كلها اورانجيه وحطينا كل كوره على طاوله ومزينه من تحت بتل اورانج واخذنا من نفس المحل صحون خزف ملفوفه بتل وعبيناها شوكلاته مغلفه عالطاولات كان شكلها مرة انيق

وبالنسبه لنا كان كل شي تقديم مع القهوه جبنا حلى الجوهره وحلى بحريني وشعبيات ومع الشاهي معجنات من الجوهرة ومن لافندر ومن ام سعود والصياني اللي عبيناها فيها كانت تحف استأجرناها من ماينا


وسلامتك :)