تجهيزآت زوآجي ( ملآبس ) ,, آبي رآيكم ..!

بنات بما اني الكبيره فـ البيت واجهز لوحدي طبعا ماعندي احد يساعدني بقولكم وش شريت وابي تقولون اشتري زياده ولا خلاص يكفوون ووش ناقصني..؟! للمعلوميه ماشريت الا ذهب والحين بديت فـ الملابس ..
* اخذت 16 بجامه .. ( قطني + ناعم + حرير ) ..
* 12 ثياب لحد الركبه ( للبيت ) و 4 للكشخه لحد الركبه ..
*4 قمصان نوم ( 2 حرير و 2 دانتيل )
* 1 طقم روب نوم ..
*2 جنوز طويله ازرق ..
* 14 بلوزه ( علاق + بودي + تيشيرت + كت ) ..
*بنطلون ابيض ناعم ..
* 2 برمودا واحد جنز وواحد يشبه البربري ..
* 3 تنانير قصيره للركبه + شورت ابيض ..
* 5 ثياب طويله للبيت ( قطن ) ,3 بلايز كم طويل للكشخه ..
* 4 دراريع ..
شريت بس هذول .. في شي زياده بعد ولا خلاص اكتفي بذي ..
وبكرا بروح اكمل الباقي باخذلي كم لبس داخلي ..
ناقص شي ولا خلاص ^_^
سؤال مهم : لا رحت عند اهله وش البس ..؟! خوانه كلهم اصغر منه بس كبار .. مدري وش البس لا رحت لهم :(
ورابع يوم اهلي بيسوون عشا بعد مانرجع من الفندق بعد مدري وش البس بس اهلي واهله الي بيحضرون