السلام عليكم ورحمة الله وبركاته ...
كل عام وانتو بخير شهر مبارك
هذي أول مشاركه لي بهالمنتدى الرائــع
حبيت افيد كل وحده مسافره وخصوصًا ان اغلب الناس بتسافر بالعيد ..
لتجهيز شنطة السفر :
اول شي حضري ورقه وقلم وافتحي دولابك واكتبي الأشياء الي بتاخذينها من ملابسك
مثال ( الـ تي شيرت الأحمر - التنوره السوداء ..... الخ )
وبعد كذا روحي للشوز مثال ( الشوز الأبيض - الشوز الأحمر .... ) < الله يكرمكم
وقبل السفر بكم يوم جهزي الشنطه وشوفي الأشياء الي كتبتيها بالورقه و رتبيها بالشنطه
واذا عندك اغراض كثيرهـ وتخافين ان الشنطه ماتكفي ... لا تشيلين هـــم فــ عند ترتيب الملابس لفيها ببعض يعني مثلًا انتي بتلبسين تنوره سوداء على تي شيرت أبيض ) افردي التنوره وحطي الـ تي شيرت داخل التنوره ولفيها ببعض و رتبيها بالشنطه وكذا استمري للآخر وبالنسبه لملابسك الداخليه لفيها ببعض وحطيهم بين الملابس .....
نجي الحين لأشياء الشعر
حضري علبه صغيره وحطي فيها كل شي يخص الشعر واذا كنتي محتاجه للإستشوار او للفير .... حطيهم بين الملابس بشكل طبيعي .. وبالنسبه للمستحضرات السائله مثل اللوشن والأشياء الي كذا انصحك تحطيها بشنطة بلاستيك عشان اذا انفك شي او حاجـهـ مـاتنعدم الشنطه وبكذا تكوني محافظه عليها وعلى شكلها .. ومن الأشياء الي تحطيها بهذي الشنطه حقت المستحضرات السائـله ( لوشن - ليفه - كريم للوجه او لليدين حسب الي تستخدميه انتي .. - واذا كنتي رايحه لمكان اجواءهم جفاف يفضل تاخذي معاك فازلين صغير - مرطب شفايف - مزيل العرق - شامبو) .. واذا كانت فيه اشياء تحتاجيها يوميا حطيها بهالشنطه يعني اذا كان شي سائل ....
وحطي معجونك وفرشة اسنانك وهذا شي اساسي اكيد واذا كان عندك شي يحفظ لك الفرشه حقت اسنانك فــ هذا احسن شي عشان لا تتلوث واصلا طبيعي انتي بتغسليها قبل لا تستخدميها بس عشان للحفاظ عليها .. وعلبه فيها اكسسواراتك الي بتلبسينها واذا كنتي بتاخذين ذهب فـ يفضل تحطينها بعلبه وبعدين تحطينها بشنطة اليد .. وبعلبه صغيره حطي مستحضرات التجميل حقتك واذا كنتي بتستخدمين مناكير لا تنسي المزيل حق المناكير ولإزالة الميك اب خذي مسحات وجه لإزالة الميك اب ..
علبة المكياج وعلبة المستحضرات السائله حطيها بين الملابس أو بجيب الشنطه واذا كان عندك شنطه بتاخذينها على لبس حطيها بجيب الشنطه .
والشوزات حقتك حطيها بكيس وخليها فوق الملابس وبعد كذا خذي منشفة الإستحمام وافرديها من فوق وسكري الشنطه وبكذا تكوني خلصتي شنطة السفر
........
وبالنسبه لشنطة اليد حطي فيها اكسسواراتك الذهب أو غيره اذا حبيتي
1- نظاره شمسيه اذا كنتي تلبسينها
2- جوالك ( شاحن الجوال )
3- واذا كنتي بالسياره مسافره او بالطياره خذي معاك كتاب صغير واقرأي فيه برحلة سفرك .
4- العطر
5- واذا كنتي تحتاجين لكتابة شي فـ خذي معاك دفتر صغير وقلم
6- مناديل صغيره
......
واذا كنتي بتضيفين شي ثاني بشنطة اليد ضيفيه
اتمنى يكون الموضوع عجبكم
والله يوفق كل المسلمين والمسلمات
ويرد كل من سافر بسلامهـ يارب
........
وان شاء الله افيدكم بمواضيع اكثر :luvkiss:
rahafalmalki @rahafalmalki
عضوة جديدة
يلزم عليك تسجيل الدخول أولًا لكتابة تعليق.
ام بنوتة
•
جزاك الله خير
الصفحة الأخيرة