اممممم انا الحمدلله شريت ملابس العيد.. وباقي لي الاكسسوارات..

بدلة العيد.. اختي الله يجزيها كل خير.. جابتها لي صوغه من دبي.. :D

جلابية الغدا.. اخذتها من السعوديه لما نزلت الشهر اللي طاف..

ثاني يوم العيد.. اخذت بلوزة من اولتر..سماويه ناااعمه وااايد.. وفيها تطريز ابيض ولمعه روووعه..

ثالث ورابع يوم... عندي بلايز بس.. اخذتهم ناعمين وبتفنن ان شالله في التنانير الي بخيطهم..
وعندي كم قطعه جديده.. اختي الثانيه بعد جابت لي صوغه.. هو تقريبا فستان قصير بخيطين طايحين فيه في دبي.. .. وافكر اخذ لي بنطلون فيه شك ولا تطريز يمشي معاه..


وطلبت لي شنطة من الغاليه موني.. من ماركة بيبي..


وعندي شغلات جديده كثيرة في الكبت عندي.. لاني واااايد انزل السوق.. :D

وناويه هالسنه ما اطبه في رمضان.. خلونا نتعبد الله احسن وابرك..


الله يبلغنا رمضـــان ... :)

اما انا عروسة كل شي جديد (داخلة عرض ههههه)

انكل عام وانتم بخير مقدما

والله يبلغنا الشهر جميعا

انا عن نفسي ارتحت من دوخة العيد لي حوالي 4 سنوات وصرت اسافر اعيد في الخارج

بس هذا مايمنع اني اتجهز للعيد بس طبعا مو مثل التجهيزات اللي لو كنت معيده في بلدي وبين اهلي

يعني التجهيزات خاصه بملابس السفر , الاحجبه , الكريمات الواقية من الشمس , النظارات الشمية

الله يحيينا حياه طيبه ويبلغنا رمضان هاالسنه وكل سنه اجمعين


انا والله عاجبتني التنانير الغجريه اللي نازله موضه الحين

بس بصراحه مافكرت وش اشتري للعيد لأني مأجله هاالشي لأخر رمضان ان شاء الله

الله صادقه صبا

فيه لبس اشوفه على الناس يجنن واذا درت السوق ماشوف الا اسبور وخياس

الي شرت تعلمنا نشتري زيها ونفتك من الدوخه