تجهيزاتي لاعشاب النفاس بالصور

سلام لاحلى حوائيات
كيفكم وكيف الحمل معاكم
بما اني قربت من الولاده قلت بجهز نظامي للنفاس واشتري الاعشاب واسويها بنفسي
لاني حملت مرتين وفي حملي الاول ماكنت اعرف عن هذي الامور شي
وفي حملي الثاني سويت نظام فيافي وما استخدمته تعيجزت وما عجبني طعمه ولكن خرجت من النفاس وانا في اسوء حال وتعذبت كثير
عشان كذا صممت في حملي هذا اني اتبع نظام حلو واذا مافادني مابيضرني بأذن الله
وجلست ابحث في هذا القسم الغالي على قلبي لاني تعلمت منه ومن عضواته اشياء كثير
واستقريت على نظام قشر قهوه الله يسعدها ويوفقها ويجعلها قرة عين لزوجها يارب
شفت ان نظاممها سهل وبسيط كتبته وقلت بشتري الاغراض وبسويها لان ظروفي ماتسمح اشتري النظام منها
وهي ماقصرت كتبت كل شي لنا الله يجزاها خير
قبل يومين نزلت العطار واشتريت الاعشاب واليوم طحنتها وجهزتها وصورتها عشان انزلها لكم والقى دعوه حلوه منكم بكتب لكم الاعشاب واخر شي الصور

وعشان تشوفون النظام صح والا غلط وياليت الاخت قشر قهوه تشوف نظامي وتقولي صح الي سويته والا لا
اول شي نزلت السوق ورحت عطار مياجان الي في الطايف معروف والكل يعرفه
اشتريت الاغراض كلها الي هي
حلبه ماش فلفل اسود كمون شمر حبه سوداء سكر نبات رشاد عنزروت مرره محلب قشر بصل رزنه عويدي مقل


السفوف العشرين الاولى

نصف كاس حلبه ربع كاسه فلفل اسود نصف كاسه كمون نصف كاسه شمر ربع كاسه حبه سوداء كاسه ماش ربع كاسه سكر نبات تطحن وتوضع في علبه وتاكل سفوف اول ايام النفاس اعتقد ملعقتين في اليوم واشرب بعدها شاي اعشاب


سفوف العشرين الاخيره
نفسه بس اشيل الحلبه واحط رشاد

منقوع
عنزروت ومره ومحلب واضفة انا مقل طحنتهم وحطيتهم في علبه احط شوي مع القهوه واشربها

علبة كبو البخور
قشر بصل كمون مره اطحنهم واتبخر فيهم الي تبغى تحط فلفل هواء وخوا جوا انا ما حطيت

اشتريت رززنه مطحونه وحططيتها في علبه واحط ملعقه مع شاي الاعشاب واشربها طول فترة الننفاس