تجهيزاتي لبنتي الثانية

السلام عليكم

بنات اليوم عرفت إني حامل ببنت
وبتكون بإذن الله البنت الثانية لي
الله يخليهم لي يارب
ويسهل ولادتي وكل الحوامل يارب

سؤالي هو
شو أجهز لبنتي الثانية
ماشاء الله أغراض بنتي الاولى كثيرة
وطبعا دلعتها كثير وكنت أكشخها ودايما أشتري لها
لما مرة تناقشت مع زوجي إن حتى لو هم بنتين شخصية كل وحدة بتختلف عن الثاني
وفرحتي بكل وحدة فرحة تخصها هي بالذاتي
يعني أريد اشتري لهالبنت وأفرح فيها مثل اختها
حسيت زوجي ما تقبل هالشي وقال اسراف وما إلى ذلك
مدامهم بنتين
وبالفعل مثل ما قلت أغراض بنتي كثير وتقريبا جديدة لان بنتي توها كملت سنتين
وملابسها مختارتها بعناية وغالية ومميزة

فشو رايكم
شو الجديد اللي اشتريه بنتي الثانية
وشو اللي اخليها تستخدمهم من أغراض أختها؟؟