مرحبا صبايا
وحشني المنتدى :heart: ووحشنوني
تجهيزاتي لرمضان هذه اسويها كل سنه وصراحه تريحني وتختصر علي حوسة المواعين والمطبخ + توفير وقت وجهد
لأني احب استفيد من وقتي برمضان بعباده من غير مااقصر ببيتي .. وهي بسيطه ومفيده بنفس الوقت
نجي للمهم:::
جهزت كمية شيرة (قطر) وعبيتها بقارورة وفالثلاجه..
طحنت كمية من الثوم +قليل زيت + رشة ملح + قطره خل وحفظتها بعلبه محكمه وربطتها بكيس وعالفريزر
تنفع للسلطات والايدامات وبعض الطبخات..
سويت كشنه كبيره للكبسات مكونة من (بصل-ثوم-زنجبيل ... طماطم - صلصل... ملح وبهارات مشكله) بعد ماطبخت خليتها تبرد وعبيتها بأكياس صغيره ورصيتها بعلبه محكمه وكيس وعالفريزر
جهزت صوص البيتزا (حمرت بصل وعليه طماطم وشطة وكتشب وملح وكمون وفلفل وكزبره) طبخت وبردت ووزعتها بأكياس صغيرة ووبعلبه ومغلفه بكيس عالفريزر
جهزت خبز الفتوش والسلطات .. قطعت خبز لبناني مربعات وقليته وبردته وجبت علبه محكمه فرشتها منديل متين وعبيتها وعالثلاجه
الدجاج الفيليه خليته يذوب الثلج شوي اللي اتفكك من بعضه وخليت 4 قطع كل قطعه بكيس لحالها والباقي قطعته مكعبات صغيره + مستطيله للسيزر والفوتوشيني وبعض الطبخات وحطيت كل كمية بكيس وفردتها ولفيتها زيين (لتسهيل اذابه الثلج وقت الاستخدام) وعالفريزر
السمبوسه سويت كمية تكفي اسبوع بس ورصيتها بعلبه مغلفه وفرزتها وكل راس اسبوع اسوي كمية تكفيه
اصابع الجبنه لفيتها وفرزتها
الزنجبيل غسلته وقشرته وبشرته وصففته بأكياس صغار بشكل مسطح وعالفريزر (مشروب يومي:tongue3:)
الفلفل القرون قطعت الراس وكل فلفله اقسمها نصين وبقدر وعليها قليل ماء وملح وطبخت 5 دقايق وطحنتها زيييين وبعلبه محكمه وغلفتها بكيس وفرزتها للسلطات وبعض الطبخات
الكنافه جبتها وحطيتها بالفرامه الكبيره وصبيت عليها شوية زيت وفرمتها ناعم وبكيس عالفريزر
واللي عندها مساحه للتفريز تقسمها حسب الكمية اللي تستخدمها اريح بدل ماتفتح الكيس كل مره وتقفله
الجزر غسلته وقشرته وبشرته وصففته بعلبه بشكل مستطيل نحيف وفرزته بلعض الطبخات
ابازير الشوربة وزعتها كل كمية بشاش مربوط يصير بس ارميها بالقدر واذا خلصت بس اسحب القطعه بدل مااصفي
هذه كلها خلصت منها والحمد لله
باقي بـــــــــــــــــــــس........
اسوي الكبة واكببها وافرزها
وعشان حوووسه الطبخ والقلي :tongue3: جهزت كمية بخور
لبان نار خلطته مع مستكه >>> هذولا يشفطو الروائح شفط وينــقـــووا الجــو خصوصا لبان الدكر (لبان النار)
وعندي كمية عود طحنته بالطحانه وحلطت معاه بخوري المعتاد مبثوث بانافع للعود
والله يطيب أيامكم واعمالكم
سبحان الله وبحمده سبحان الله العظيم
ويـــــــــــــــارب تستفيدو ا من موضوعي :26:
!ليلاس! @lylas_11
عضوة فعالة
يلزم عليك تسجيل الدخول أولًا لكتابة تعليق.
ام قلوم
•
ماشاالله عليك بس ابي اسالك وشي بزار الشوربه
الصفحة الأخيرة