تجهيزاتي لمولودي ولا وحده فيكم تقدر تجيبها

قصة زوجي وارجو ان الله يجعل تذكيري لكم صدقه عنه ويشافيه في هذي الليله


هالكلام اوجهه لكل وحده تصور اغراضها او اغراض اطفالها او طبخاتها وابداعاتها وتوريها للناس
طبعا لاحظت اكثر من وحده هنا تصور وتوري الباقي وتنسى ان فيه ناس تتمنى ريحة طفل والعين حق لو الواحد يعجب فنفسه ممكن يصيبها وهذا نت وشبكه عنكبوتيه لو وحده من اعجاب صابتك بالعين كيف توصليلها وهي اصلا مو داريه انها صابتك
والله يااخواتي ماني موسوسه ولا كنت اخاف لهالدرجه من العين الا بعد طيحة زوجي الله يشفيه
جبتله طقم النصر كامل من المتجر الاصلي وانتم بكرامه الجزمه والتيشيرت والشورت وكل شي كنه من اللاعبين هو يحب يلعب كوره كل عصر مع باقي الشباب ويشجع النصر
وقام صور الطقم وحطه صورة عرض للواتس وارسلها لقروب اصحابه غير اللي شافوه فالملعب وهو لابسه
وهو مو منتظم عالتحصين ينساه زي اغلب الناس
بعدها بكم اسبوع صار جسمه يحكه فجأه من شعر راسه لباطن قدمه
بعدها طلعت فيه حبوب فيها مويه ونفس الحبه اللي تطلع فالجهه اليمين تطلع فالجهه اليسار فنفس المكان وراح يكشف قامو سووله تحاليل قالو يمكن عنقز حصلو السكر مرتفع مع انه ماكان عنده واعطوه ادويه للجلد وزادت حالته من سيء لأسوأ
والحين له تسع شهور مريض مرض جلدي ماعرفوله اسم واضح اللي يقول انحلال الجلد واللي يقول فقاعات جلديه
ومابقى شيخ الا وراحله اللي يقول مس واللي يقول عين واللي يقول حسد ويراجع فالمستشفيات واعطوه حبوب كورتزون ورفعت السكر اكثر والحين عالابر السكر والكورتزون بعد ماكان فعافيه ماشاالله وانسان نشيط يحب الشغل والكرف وحتى العمال مايحب يجيبهم للبيت هو يحب يشتغل كل شي
والله انه الحين يبكي عشان احد يجي يرفعله الشرشف من فوقه مايقدر يمسكه من الوجع والتسلخات والقروح اللي صارت تصب دم وهو نايم
وعمر مرضه من عمر حملي الحين انا انتظر ولادتي فأي لحظه وجالسه اعالج فيه مع اني فأمس حاجتي له واهلي بعيدين ولا اقدر اروح واخليه بهالحاله وبنتي فالمدرسه
انقلبت حياتنا من حال لحال بناتي يقولو ياماما متى يطيب بابا نفسنا نحضنه ونلعب معاه زي اول هو ماكان يقصر عليهم ويوميا يطلعهم معاه
والحين ياروحي كنهم ايتام وهو بينهم لو وحده تلمسه بالغلط صاح وانسلخ جلده من ابسط دقه وصرت ابعدهم عنه عشان مايعورونه حتى الاكل اقسمه بينه وبينهم كله لانهم اطفال وماينتبهون وهو جسمه ماكأنه جلد شي طري اي احد يلمسه ينسلخ معاه وصار يمشي زي الكبار فالسن باطن قدمه تعوره واحيان ينام ورجوله ويدينه فالثلج من الليل للصباح مايقدر بدون ثلج يستحمل وجعها
ولو اوصف اللي فجلده من الحين لبكره مااخلص كل شي يعور القلب جاه اخرتهاا اليوم نام العصر بعد ماقرا المعوذات ورقى نفسه وصحي الا النمل ياكل فرجوله وطالعه ريحه الله يكرمكم منها كأن الجروح تعفنت مع انه مداوم عالمطهرات ويتروش بالصابون السايل كثير لكن امر الله
والحمدلله ع كل حال الله يعلم انه انسان طيب ويحب اعمال الخير وكان يجتهد ومازال بس المرض عجزه عنها ان شاالله ان كل شي سواه فحياته يكون سبب فرضا الله عنه انه يرفع عنه البلا ويشفيه
بكره عنده موعد فالتخصصي فجده قدم اوراقه عليه وتوهم قبلوه وبرضه موعد مع الشيخ سعد الزهراني والله يرده لنا متعافي ويخفف عنه ماجاه
وحسبنا الله ونعم الوكيل فكل عين ماتذكر الله

وقصتنا مو اول قصه عن العين ولا اخر قصه من عهد الرسول عليه الصلاة والسلام قال بمعنى الحديث ان العين لتدخل الرجل القبر والجمل القدر

لكن من اللي يتعظ بغيره ويفهم ويقول حياتي اهم من مدح الناس واعجابهم
ياليت الايام ترجع ورا واحصن عايلتي كل يوم ولا نوري احد شي يخصنا الا اللي بيطلع قدامهم
اما الناس فبيوتهم واحنا نرسلهم لعندهم بس عشان مدحتين ولا كم تعليق لابتقدم ولا بتاخر فاغراضنا شي
عساهم ماشافو وعساهم مامدحونا اهم شي نعيش واحنا مرتاحين

واسفه عالاطاله بس وربي خفت عليكم ومن المر اللي اعيشه قلت انبهكم لهالشي










✨يارب وكلتك امري فانت خير وكيل✨