طبعا باقي على ولادتي شهر وأسبوع حسب الموعد ولكن سبق السيف العذل
خوفني الدكتور الأسبوع إلي فات وقالي موية الجنين ناقصة وراح يولودوني
بدري يعني بعد 10 أيام والله العالم
ولعل في ذلك خير وعطوني أبرة الرئة للجنين
المهم حسيت الوقت يداهمني
ولابعد سويت توزيعات ولاشريت شيء
والمشكلة راح تكون ولادتي بعملية في مستشفى خاص ب10 الأف غير العلاجات والتخطيط لقلب الجنين كل يوم والخ
ومفرش النفاس والحوسة لكن ماقصرت أخت السحاب بحول الله تستعجلي في طلبيتي قبل أولد بالمفرش
وفكرت اسوي توزيعاتي بنفسي
مع ان كان في بالي من أول اروح محل واشتريها جاهزة وارتاح
صورة شاملة للأشغال
المهم شمرت عن ساعدي وجبت شغلات بسيطة وهدايا عبارة عن عطر ومسبحة سماوية وحطيتها في أكياس سماوي
وبطاقات طبعتها ولصقتها وحطيتها في سلة كبيرة وحطيت بجنبها دبدوب وأشكال مناسبة سويتها بمقص الفلين
والحلاوى رحت للرفاعي ارخص وجبت
صينيتين لوحدة ب120 والوانها مناسبة ولصقت تحتها بطاقات
وعبيت علبة على شكل رضاعة وحطيت فيها حلاوى بيض الحمام سماوي وكتبت عليها الفلين أسم مولودي بحول الله وعبارة أناسعد جيت نورت البيت
يتبع
وسلة للمعجنات بس ماقد اكتمل شغلها فماصورتها لكن هذي صورتها مفرزنه
وسلة للمستشفى فيها توزيعات للفلبينيات والهنديات الممرضات والمنظفات أرحمهم أحسهم إذا شافوأحد يتمسحون فيه يبغون اي شيء فسويت سلة فيها هدايا بسيطة شباصات و أساور وتعليقات وحلويات مكنتوش في كيس ومبالغ بسيطة ريالين وخمسة وعشرة كلا وحظه
هذي تجهيزاتي البسيطة بعد ماكنت ناوية اسوي شيء مميز لكن ربي كتبها كذا
وبحول الله في العقيقة أقدر الحق على شيء حلو وأجهز من بدري
عذرا الصور غير واضحة كاميرا دجيتل جديدة شكلي ماعرفت لها مزبوط ولا هي ماهي تمام
ولا تنسوني بدعوة طيبة بأن يرزقني الله بالولد الصالح السليم المعافا بعد انتظار 10 سنين