بصراحة فرفشتونى بالموضوع اللذيذ دة

انا كنت ولدت قبل كدة و كنت مجهزة كل حاجة على اعتبار ان البيبى بنوتة زى ماقالو فى السونار (مع انى كنت حاسة و متاكدة انة ولد) بس قلت خلاص اجيب حاجات بناتى و بلاش تبتر و فعلا كان ولد الله يرحمة

و كمان ان كنت والدة فى شهر 7 يعنى عز الصيف فكنت جايبة كلة صيفى و الفانيلات كلها كت و مطرزة بنوتاتى بقى و كوفرتى قطن شيك للخروج و واحدة للبيت خفيفة
و طبعا جلاليب للبيت و سالوبيتات و كنت عاملة شرابات كروشية
بس انا جيبت كلة من وكالة البلح صحيح هى مش ماركات بس وقتها ماكنتش عارفة ان فى ماركات حلوة للاطفال رحت سالت على جيل قالولى مافيش مقاسات بيبى رحت اتكلت على الوكالة
بجد حاجات شكلها جميل و خامات مختلفة بس اغلى اغلى حاجة هناك بردة ارخص من ارخص مكان يعنى تخيلو الفايلات اللى كنت جايباها من هناك تقريبا الواحدة ب 3 ج لاقيتها بعد كدة فى التوحيد و النور ب 6.5ج مع ان التوحيد و النور يعتبر رخيص
و الجلاليب جيبت اللى هى القطن المشغولة من هناك الواحدة ب 7.5 ج لاقيتها فى ميدان الجامع مكتوب عليها 15ج يعنى الضعف بردة
و السلوبيتات بتاعت البيت كنت بجيبها من المحلات بتاعت 7.5 و اغلى حاجة سالوبيت بيت ب 10 ج و كنت جايبة بنطلونات صغيرة لانى مش مقتنعة بالكافولة و اللفة فوق البامبرز و كانت رخيصة بردة الدستة تقريبا ب 15 ج
سالوبيتات الخروج و كوفرتة الخروج و الحاجات بتاعت الخروج جيتها من محل اسمة كنوز فى كايرومول فى شارع الهرم محل لذيذ
فى بنطلونات حمل حلوة بس عايز ناس مليانة شوية و فية هدوم حمل كتير بس مش حلوة اوى
و لاقيت هناك فانيلات حلوة اوى ماركتها جونيور تقريبا هما وخدين توكيل جونيور حتى البانيو عندم جونيور بس كان بحوالى 50ج فمجبتوش :) بس فى هناك كارى كوت و شنط جميلة اوى و سراير بيبى كمان بس بردة ماجيبتش سرير بيبى

اه و كنت جايبة كمان فساتين بناتى سكر اوى من محل فى مصر الجديدة مش فاكرة اسمة بس سكر اوى لكن ماما و حماتى قالولى اية الهبل دة لان الفستان طولة حوالى 12 سم بس كنت بردة هلبسهم للولد مانا كنت والدة فى الصيف

طبعا الاسعار دى كانت اسعار السنة اللى فاتت مش عارفة السنة دى اية الاخبار بعد الطفرة

بالنسبة للحمل دة انا قررت مش هشترى حاجة الا بعد ما اشوف البيبى جايز بس اجيب فانيلات داخلية بكم علشان انا هولد اخر 10يعنى هيبقى برد عالبيبى و احتمال اجيبهالة جونيور و خلاص بس اما اشوف وشة

و ربنا يكرمنا كلنا بالبيبهات الحلوين يارب

يا بناتييييييتتتتتتتتتتتتت

ايه الاخبار

lolookasha ايه المعلومات الجامده دى بس

انا جبت من zero to five اللى فى كارفور 6 فنلات كات علشان انا المفروض ان شاء الله

اولد فى أول 9 بس مش عارفه بقى السلوبت الخارجى اجيبه ايه

نص كم ولا كم

زيرو ولا 3 شهور

انا كما حولد في 9 و جبت سالوبتات كم و شوية كت و شوية نصف كم بس مش عارف البس النونو اي ؟

ربنا يعوضك يارينا يارب ويتمم حملك وولادتك على خير

كوكو
ميرسيه ع اسامى المحلات حروح اشوف باذن الله

اسم المحل الي في الابراهيمية شيزابل ، دة عند لبس اطفال يجنن بس بيكون زحمة اوي حاولي تروحي بدري قبل الساعة 6 علشان تعرفي تدخلي