$تجهيزات السفرمن الالف الى الياء$مغتربة تحتاج مساعدتكن

افاااااااااااااااااااااااا
يااخوات
هذا وانا شادة الظهر فيكن
47 ولا رد او حتى رفع للموضوع
تكفووون انا كلامي للجميع يعني اي وحدة مغتربو في امريكا بريطانيا استراليا
عشان الكل يستفيد
تكفوون يابنااات ماعندي فرصة غير شهر واحد

توصلون بالسلامه ياعسل
اولا ماتحتاجين اي شي معك كل شي هناك فلا تشيلين هم شي اللهم التمر اذا انتو من هواته والباقي تليقينه هناك والاجهزه ياعسل بتلقين اشياء روعه واسعارها جدا مقبوله
ثانيا عبايه ملونه ومعاها ايشاربات ملونه مناسبه راح تلقين بالراياض انواع واشكال وبامكانك تخيطيين عباية كتف الوان معاها حجاباتها وخذي بندانات قطن تثبت لك الحجاب وابر تثبيت الحجاب تمسك لك حجابك مايتحرك
وترى فعلا الحجاب هناك نادرا ماتلقين وحده لابسه اسود باسود والا ترى العلوم سهود ومهود
ثالثا الخطوط السعوديه وغيرها لا كفايه انها تستفتح بدعاء وفيها مصلى والامريكيه اشوف احسنها بلوقيت
وسلامتك ياعسل

حياك الله اختي


الادوات والاجهزة الكهربائية كلها موجودة يعني لاتشيلين همها بس جيبي معك ترامس للقهوة والشاي وضغط ( كاتم ) ومبخرة

وملحقاتها



الملابس جيبي معك ملابس للمناسبات او الزيارات لاتكثرين كم قطعة بس , لاتنسين تنوعين في الملابس ( صيفي وشتوي )لان الجو

متقلب مرة برد ومرة حر



الاكل كل شي متوفر في البقالات العربية والهندية حتى منتجاتنا بالنسبة للتمر والقهوة والبهارات موجودة عندنا في ملبورن خاصة التمر

موجود بانواعه مثل ديرتنا ماادري عن ادلايد اذا فيها او لا



الحجاب البسي اللي تبين الحجاب بانواعه واشكاله والوانه موجود حتى اللون الاسود يعني لاتشيلين همه بس الاغلبية مايلبسون

الاسود يلبسون عبايات وطرح ملونة ممكن اذا حابة تاخذين قريب من الاسود خذي عبايات الوانها بني و كحلي وزيتي واذا حابة تضيفين

لون فاتح ونسقي معها حجابات وكم بندانة ومشبك لتثبيت الحجاب



الخطوط ماادري ايش انصحك فيه لكن احنا جربنا السعودية والماليزية وعندي الماليزية افضل بكثير

نصيحة عشان عيالك مايملون طول الرحلة ( اشتري لهم العاب جديدة ولاتورينها لهم الا في الطيارة عشان يفرحون فيها وجيبي معك دفاتر

تلوين وشوي تسالي وحلويات وشيبس اذا سمحوا فيها وفيه افلام كرتون في الطيارة بتسليهم ان شاء الله )



رتبوا امور السكن المؤقت والحضانة اذا بتدرسين



استراليا بشكل عام اماااااااان والشعب طيب وودود والسعوديين مليانين


توصلون بالسلامة

مشكوورين للي ردوا
الله يجزاكم خير
بس حبيت اسال الخطوط السعودية توصل يعني دايركت

اتوقع مافيه رحلات من السعودية دايركت , فيه من السعودية الى دبي ثم استراليا

او من السعودية الى ماليزيا ثم الى استراليا