كيفكم أخواتي مع الغربه ان شاء الله اموركم تماام:icon18:
مثل ماأنتم شايفين موضوعي اليوووم مهم لكل مغتربه سواء لامريكا او لاي دولة أخرى
أنا حسيت ان ناقصنا موضوع يكون شامل تجهيزات السفر وحووسةالرحلة:confused:
بصراحة انا لسه ماسافرت وحبيت أكتب الموضوع مبدئي ايش اللي راح أحتاج أخذه معاي وماراح يكون متوفر بامريكا او متوفر بس غالي ومبالغ فيه والأحسن أخذه معاي من بلدي..
بالبداية أعرفكم على نفسي أنا ام لطفلين ولد وبنت ولد عمره سنتين وبنت عمرها ست سنوات ورايحه على امريكا ولاية تكساس ورحلتنا مابقى عليها كثير وان شاء الله راح أنفعكم وتنفعوني يعني الموضوع عبارة عن إجتهادات واللي تشوفونه ناقص أو غاب عن بالي من إحتياجات السفر بلغوني وافيدوني وجل من لاينسى..
البداية طبعا شنط السفر راح اخذ شنطة وحده وسط معاي للطيارةوأغراضنا الباقيه راح اشحنها للولايه اللي راح نروح لها
خطة السير راح تكون من الرياض الى واشنطن ومن واشنطن الى تكساس
نرجع لموضوع الشنطة..

اللي راح اخذه بالشنطة اولا ..
مستلزمات اطفالي اللي هي
- البيجامات عشان يرتاحون بعد ماتقلع الطياره على خير راح البسهم


والشرابات

وكمان جاكيتات لان جوو الطياره بارد


-رضاعات طفلي

-حليب

- مناديل

بعدين نجي لاحتياجات التسليه عشان مايطفشون ويطفشوني معهم
انا راح اخذ لكل واحد شنطه على الظهر


وراح احط فيها التالي
دفاتر تلوين

والوااان

والعاب جديده ماشافوها عشان مايملون منها

وبالنسبه للتسالي كمان مانسيتها
راح اخذ




نجي للحاجات اللي ان شاء الله ما راح نحتاجها بس الاحتياط واجب
-الفيفادول

-فيفادول للكبار

-مضاد حيوي

لصقات جروح

يتبع لحد يرد لو سمحتوو الى ان انهي الموضوع....
ونبدأ باغراضنا المهمه
-الجوالات
-الشواحن والتوصيلات
-الكاميرا
-الاي باد
-اللاب توب
-الجوازات
-شهادات الميلاد وشهادات التطعيم مترجمه
-المحفظه والمال
-شنطة مكياج خفيف كحل-روج-واقي شمس-مرطب
-مناديل معطره
-مشط
-عطر صغير ويكون اقل من 100مل
-علك
وبكذا نكووون خلصنا شنطة الطيارة وقفلناها ..
واللحين نرجع للشنط اللي راح نشحنها للولايه
اول شي راح اخصص لكل شخص شنطة ملابس واغراضه الشخصية
وشنطه راح تكون للاغراض اللي نحتاجها ومانلاقيها بامريكا او نلاقيها بس غاليه ومبالغ بسعرها مثل
- الفناجيل
-كاسات الشاي
-تباسي
-ابريق القهوة
-زمزميات
- بهارات
-قهوه مخلطه
-هيل
وراح نحتاج كمان اعشاب علاجية مثل
-المره
-الحلتيت
- الكمون
-اليانسون
ان شاء الله ماأكون ناسية شي وزي ماقلت لكم اذا فيه شي ناقص خبروني ماأستغني عن خبراتكم ياغاليات