تجهيزات العيد

صباااااااااااحكم فيمتو يا احلى بنات

وعيدكم مبارك مقدما

بنات كل وحده تدخل تقول لنا كيف استعداداتهم وتجهيزاتهم للعيد
يعني تجهيز البيت والهدايا والزينات
سواء الآنسات اللي حابين يسووا مفاجأه حق اهلهم واخوانهم
او المتزوجات اللي حابين يفرحوا ازواجهم واطفالهم

بالنسبه ليا لما ينام زوجي وكتاكيتي اصلح البيت بالزينات والبلالين عشان لما يقوموا الصباح يتفاجأوا واحط عند سرير كل واحد هديتوا عشان اول ما يصحوا يلاقوها
ولما يأذن الفجر اقوم واتوضا واصلي واصحي زوجي ووقت ماهوا في المسجد اجهز القهو والتمر وحلاوة العيد والبقلاوة ويا سلااااااااام على ريحة القهوة في هداك الصباح واشغل تكبيرات العيد او اناشيد العيد

يالله يا بنات ساعدونا بأفكار جديده خصوصا انو السنه هدي راح اعيد عند اهلي نفسي في حاجه تبسطهم