اقتباس:
المشاركة الأصلية كتبت بواسطة وهج الحياة2008 مشاهدة المشاركة
يمـامة نجد يعطيك الف الف عافيه وان شاء الله تقومين انتي والبيبي بالسلامه
كفيتي و وفيتي بس عندي بعض الاسئله على ردك والله يعينك علي
معليش تو اشوف ردك هذا من اقتباسك

هو نفسه الكحول العادي ( المسحات الطبية ) طريقة الاستخدام تعصرينها اول على السرة وبعدين تمسحين خفيف
ميزته يجفف السرة وبنفس الوقت يعقمها

على فكرة شفت بالسوبرماركت حفاظات بيبي جوي للمواليد فكرتها حلوة انه فيها فتحة للسرة لاجل لا يتضايق البيبي او يصير عليها من البول


هو مايحتاج فعليا وفرشاة الشعر هي الخفيفة ومصنوعة من شعر طبيعي وناعم
ميزتها ترتب الشعر
فيه اطفال يولدون وشعرهم طويل وفيه اطفال صلعان
والمشط ينفع لو صار للطفل قشرة بشعره وتصير للمواليد بسبب كثرة الافرازات الدهنية

انا ماستخدمه رسمي لعيالي لكن لو بغيته افضل يكون عندي موجود مو ابحث عنه والحين هو يباع ضمن تجهيزات المواليد


فطريقة استخدام المشط تدهني شعر الطفل بزيت الزيتون وتلبسينه قبعة قطن لا يبرد وبعدها تغسلين شعره بالشامبو وتمشطينه بالحمام بالمشط الخاص بالاطفال برقة لتزيلي الطبقة الدهنية او القشرة

اخذته من مذر كير
اول الاقيهم بسنتر بوينت هالمرة يوم رحت ماشفته عندهم
الي من مذر كير عجبني عليه فوطة تزال طبعا يعني ينفع لما تغيري للبيبي مايبرد

رغم اني كنت اول احط عيالي على البساط بالفوطة واغير لهم
هي مو بس للتغيير حتى وقت ما اعمل لعيالي مساج كنت استخدمها والمساج ينفع يهدا البيبي ويريح بطنه من المغص ويخليه ينام وكانه تمارين له بدل ماهو طول الوقت ملفوف بالاربطة
فلما استخدم الزيت ما اوسخ الدنيا وبسرعة انظف البساط

اسمه مديلا medela

وهو انواع
فيه يدوي وفيه بالبطارية وفيه بالكهرباء
اذا انت طالبة او موظفة ومضطرة تشفطي حليب باماكن مختلفة افضل الكهرباء ويباع له اكياس للتخزين مستقلة ونفس الي مناديل لتنظيفه بسرعة

لقيته بتويز ار اس وبسنتر بوينت
وشريته من النت لاني لقيته ارخص ولسة ماوصلني انتظره
سعر الكهربائي الف ريال تقريبا لانه يحتوي شنطة ورضاعات ومتخصص
فيه اقل واكثر على حسب طلبك
لكن كثير اجمعوا انه ممتاز

الي كان عندي اول بعيالي شيكو يدوي وكويس لكن عيبه يتعبك يدويا غير انه نشف صدري بسرعة لانه مايطلع كل الحليب من صدرك وطبعا ياخذ وقت ويهدر كميات من الحليب

يشبه هذا

والتخزين كانوا يعطوني المستشفى نفس علب البول وانت بكرامة وهي مكيسة ومعقمة كنت اشفط الحليب فيها ولما اروح المستشفى يختمون عليها ببطاقة ابني ويحطونها بالفريزر
والحليب بالفريرز لاجل لا تنسي 3 شهور يبقى وبالثلاجة 3 ايام
بمذر كير بعد عندهم اكياس لتخزين الحليب
ويتسخن بوضعه بحمام ماء دافئ ثم سكبه بالرضاعة
هذه اكياس حفظ الحليب ميزتها لو طفلك بحضانة تقدرين تكتبين عليها اسمه والتاريخ




هذا ابسط من الي شريته ينفع للاستخدام العادي مو كاتبين عنه شي ومو هذا الي شريته لكنه ارخص



هذا الي اخذته ومااقدر احكم عليه الا اذا جربته
ميزته معه بطاريتين ومتطور ومكتوب عليه كلام كثير يمدحونه ومعه شنطة تحفظ اغراضه ويناسب الموظفات والطالبات لان معه شنطة مبطنة كانها ثلاجة لحفظ الحليب الي تشفطيه لحد ماترجعي البيت ويجي معها رضاعات لحفظ الحليب بدل الاكياس و نصحوني فيه ناس انه الافضل

وهي تشبه هذه








-

افضل نان او LS gold 26 الي قلتيه ما اعرفه
واتذكر دايما اطباء الاطفال لما تسئليهم وش احسن حليب يقولون الارخص


جهزيهم من الحين اما تدهنيهم بزيت الزيتون او بكريم خاص للحلمات


-[QUOTE

]لبادات الصدر
وش فايدة اللبادات للصــدر؟؟ وكيف شكلها
هي قطع دائرية خاصة للثدي
ميزتها تحمي ثيابك وملابسك الجداخلية وريحتك من الحليب الي يدر من صدرك
بعد الولادة ب 3 ايام يبدا الصدر يدر حليب وحتى لما ترضعي الطفل يبقى احيانا بقايا الحليب على صدرك
لتحمي الحلمة ادهني بقية الحليب على الحلمة لكن لو بتلبسين الستيانة بتصير ريحتها شينة خصوصا لو كنتي تاخذي حلبة وهي ممتازة لدر الحليب
لهذا لبادات الثدي كانها فوط صحية للاستخدام اليومي تمتص بقية الرطوبة من صدرك اولو در اي قطرات حليب يصير عليهاوتغيريها بين كل رضعة


تلاقيها بالصيدليات وحتى بالسوبر ماركت وكل محلات تجهيز الاطفال






-ستيانات للرضاعة ( مهم جدا )
اول مره اسمع عن ستيانات الرضاعه؟؟ وين القاها؟
ستيانات الرضاعة هي ستيانات قطن 100% تكون باحظمة عريضة لتوفر اسناد جيد للصدر مع الكتف غير حزام الصدر عريض ( مع الرضاعة صدرك يثقل ولو ماتلبسين ستيان يتهدل ولو تلبسي ستيان عادي برضه بيتهدل لان الستيان العادي ما يشيل الصدر
غير انه مافيه حدايد لاجل لا يضغط على الغدد الحليبية

وتلاقيه بمذر كير وبدبنهامز وسنتر بونيت وحتى بالهرم والمحلات الرخيصة انت اختاري ستيانات بهذه المواصفات




دايم يحذرون من غلي الماء بالمايكرويف لانه يسبب حروق للاطفال
وحتى تسخين الرضاعة بالمايكرويف لا ينصح به ابدا
لانك لما تلمسين الوعاء يكون بارد بينما الحرارة تغلي بالماء
وطبعا المفروض ماتلمسينه

لعيالي كنت استخدم المايكرويف لتسخين الرضاعة باقل الحدود وكان لما نسافر بالذات واخضها مليون مرة لاجل اتاكد ان الحرارة توزعت واجربها على يدي لاجل اعرف انها مو حارة

استخدمي الزمزمية يوميا

خذي وحدة جديدة للبيبي واغلي الماء كل يوم بوقت واحد وعبيها ماء وخليه لمدة 24 ساعة والي بيبقى لا تكبيه استخدموه انتوا
الماء المغلي والمبرد ( المعقم ) مو بس للرضاعة حتى لمسح عين الطفل
-

حطيت لك صورة الكريم بردي السابق او استخدمي زيت زيتون

لازم تمرنين الحلمة من الحين
تعملين لها مساج وتحاولين تطلعيها لبرة
وبوقت الرضاعة تعلمي التكنيك
وهو انك تدخلين معظم الهالة بفم الطفل يعني تعصر هالة الثدي بين اصبعيك الوسطى والسبابة وتدخلينها فم الطفل لاجل يمسك معظم الهالة ويرضع
كذا اسهل له يطلع حليب ولا يسبب لك تشقق


فيه بعد مخدة تريح ظهرك بالرضاعة وتحطين الطفل عليها يقولون اسهل بالرضاعة ما جربت بصراحة لكن اعتقد مهمة بالذات للي تولد قيصرية لاجل الطفل لا تحطيه على بطنك

مثل هذه انا عندي من ايكيا اخذهم لرقبتي لاجل الكمبيوتر

ويبعونهم ساكو ومذر كير والظاهر سنتر بونيت












ارواب الولادة

برويال مول
واحة الجلابية
بالهرم


البييجامات يمكن تلاقين بمذر كير الي فيهم فتحات
رغم انك مابتحتاجين يكونون بفتحات

البيجاما اما ترفعيها عن بطنك وتدخلي الطفل من تحت
او يكون لها ازرار وتفتحيها من فوق






تعبك راحة

ماودي منك الا الدعاء بان يتمم الله لي حملي ويسهل ولادتي ويرزقني بطفلي معافى حسن الخلق والخلقة ويحفظ عيالي وابوهم

هلا يااقلبي انااا رحت امس لهم بااقي ماعندهم تخفيضات
مذكير مدري والله

ماشاء الله كفيتوا ووفيتوا

للحين ماشريت اغراض الصيدليه ماادري وش انتضر شكلي حاسه اني بعوشر