السلام عليكم
كيفكم يا حوامل وكيف استعداداتكم لرمضان ...الله يبلغنا رمضان واحنا واجنتنا بصحة وعافيه ويسهل علينا الولادة يااااارب العالمين
اليوم قررت اكتب لسته بكل تجهيزاتي
بس خطرت ببالي فكره اني اكتب لستتي بالمندى عشان أفيد البنات واستفيد منكم
انا بكر وهذا أول حمل لي
...
نبدأ بسم الله
أوفرول من صفر الى سنه مقاسات مختلفه شتوي وصيفي
:)فساتين كشخه للطلعه للي بتجيب بنوته فديت البنات واللي بتجيب ولد تشتري ثلاث بدلات كشخه للطلعة بعد النفاس اذا رحتي لحمولتك او أهلك
فوط استحمام
فوط صغيره للاستخدام بعد الرضاعه يعني اذا رجع البيبي
مهادات (قماطات)
أرواب للطفل وقت النوم مثل القميص لونه ابيض ساده وطقطق من قدام (يمدحونه مررره ) ويجي منه ألوان
صدريات للطفل
قبعات لتغطية الرأس
شراريب >>> هذي لسى ما شريتها لان الأوفرول مايحتاج
سرير البيبي
شنطة البيبي للطلعه
مدس (ملحف البيبي)
كرسي البيبي
رضاعات ومصاصات <<<< لسى ما شريتها مفكره اذا دخلت التاسع روحه وحده للصيدليه
اغراض تنظيف البيبي من شامبو وكريم وبودرة وحفاظات وفازلين <<< وهذي لسى اذا دخلت التاسع ان شاء الله
معقمة الرضاعات
طاوله التغيير للبيبي موجوده بايكيا وبعضهم يجون مع السرير البيبي
كرسي السيارة <<< مو ضروري لان بعض الاطفال يبكون اذا انطوا بالكرسي فتتوهقين
عربية الطفل
حليب الطفل <<< ان شاء الله باخذ الحليب السائل ما يسوي غازات للبيبي افضل من البودره
واعتقد كذا مو ناقص شي من أغراض الطفل
نجي لأغراض الأم
ملابس داخليه قطنيه سراويل
كلوتات استخدام واحد مررره يمدحونم
فوط صحية
ستيانات رضاعه 3 او 4 كفايه اسود وبيج وابيض
3 قمصان رضاعه كشخه واحد منهم مع الروب للمستشفى
وقمصان عاديه لك وانتي في البيت أو
بيجامات للي ما يحبون القمصان بالبيت
شبشب حلو نفس لون الروب للمستشفى
كريم افلون للحلمة بعد الرضاعة
فوطة للأستحمام
جلابيات للي بتسوي استقبال بعد فترة من الولادة
مشد للبطن اشتري مقاس كبير شوي عشان يريحك وبنفس الوقت يشد بطنك
العطورات ممنوووووووووووعه لا تتعطرين وانتي بنفاس
لهوماااااتك اهم شي الحلبه لاتزودين عن عشر ايام او بالكثير 15 يوم فقط لان كثرتها مو زينه تنفخك وتزل معك مويات لان مفعول الحلبه قوي
واعتقد بكذا نكون قلنا كل الآشياء المهمة
واللي ودها تزود براحتها واللي تشوف انو فيه اشياء مو مهمه بعد براحتها
وفيه اشياء بديهيه ما ذكرتها مثل فرشة اسنان وربطات شعر هذي الامور انتوا ادرى فيها لان لا غنى عنها (بديهيات)
اتمنى اشوف ردودكم وتعليقاتكم
السلام عليكم
كيفكم يا حوامل وكيف استعداداتكم لرمضان ...الله يبلغنا رمضان واحنا واجنتنا بصحة...
مشكورة حبيبتي ما قصرتي
شرفتي موضوعي