تجهيزات النفاس

بالنسبه لي ولدت مرتين..وبكل الحالتين الي سويته من الشهرالثامن جهزت اول شي اغراضي الي احتاجها من العطار واخليها بشنطه على جنب مع بعض زي شنط القهوه..و جهزت اغراض البيبي كامله من لبس ورضاعات واغطيه ولفات و كل شي من سنتربوينت طبعااللبس مقاس من 3 الى 6شهور احسن واضمن..واشتريت سرير ومفرش مرتب من سنتربوينت للمولود ومفرش مرتب وقماشه ناعم ولونه فرايحي لي انا ويكون برسومات نعومه زي الورد اوغيره واستفيد منه بعدين ..ومفرشي لونه مناسب لمفرش مولودي ان كان ولد اوبنت..وجبتلي7 ثياب مريحه للنفاس والوانها فاتحه فرايحيه طبعا ثياب الي هي قميص بيت كم كامل وناااعم وكل واحد طقمتله لفه للشعرقماشها خفيف تشبه لونه وشبشب مريح فرو وكل يوم اغير بواحد ولااخصص شي للاستقبال لانها كلهااجيبها جديده خاصه لفترة النفاس وبس ماالبسها بعدين..وقبل لااطلع من المستشفى اكون كاتبه بورقه الاغراض الي ابيها لي ولمولودي من الصيدليه يجيبها زوجي ..البودره والحليب والحفاضات والمناديل وغيره..مااحب اشتريها بدري وقبل الولاده اتأكد من اطقم الضيافه عندي الصواني والكاسات وترامس الشاي والقهوه اذا فيه شي يحتاج اغيره وبعد الولاده يجيب زوجي حلا للضيافه مرتب بعلب حلوه اما من باتشي او اي شي حلو ووووووووبسسسس..اماخرابيط ثانيه مااحب اتكلف ولاافكر اسوي شي غيركذا..اهم شي سلاااامتي والترتيب والنظااااافه لي وللمكان ..

مافهمت السؤال

اكيد لازم الحامل تجهز كل شي وتستعد قبل الولاده

والتجهيز

من الشهر السابع

لان اخر ثلاثه شهور حمل

الوحده مصبحه مسيه

وثقل

ممكن تولد باى لحظه

التجهيز

يشمل

اعراض النونو

ملابس وادوات

واهم شي بالتجهيز

الادويه والسفوفات للنفاس

الباقى مقدور عليه

موفقه خير

اي تجهز كل شيء الا التقديمات ممكن تخرب ما ينفع ...

بس تروحين تجربين وتشيكين عالمحلات وتحددين وش بتاخذين عشان في النفاس تكوني عارفه طلباتك ...

التوزيعات اذا تحتوي شيء طري مثل الشوكولاته او الكوكيز وغيره اجليها لحد الولادة ...

اما الباقي كل شيء جهزيه .

الوحدة تبدأ تجهز من الشهر السابع وكل وحدة تختلف تجهيزاتها عن الثانية بحكم البيئة اللي هي عايشة فيها

الله يسهل عليكِ وعلى كل الحوامل يارب

طبعا لازم تجهز قبل الولادة