تجهيزات الولادة يا بنات الامارات؟؟؟؟؟؟؟؟؟؟

هلا الليل والنهار :)
وأنا أضم صوتي لج وودي اجهز بس مب عارفه
وأتمنى بنات الامارات يفيدونا

انا الصراحه ما جربت الولاده ههههههههههههه لانه توه الناس حامل بالرابع بس بقول بعض الاشياء انشاء الله تفيدج

احتياجات البيبي:
مراضع صغار و يفضل تكون زجاج و يمدحون ماركة بيجون
معقمة المراضع
ملهيه (مصاصه) بس لا تعتمدين وايد
فوانيل داخليه للبيبي
بدل للبيبي يعني مثل الافارول تكون اريح للبيبي و يفضل تكون قطن من 3_0
فوط
قماطات و سمعت يبيعون قماط في بيبي شوب يقولج تلفينه على الياهل و يلزق بروحه يعني ما يحتاي تلفينه بشي ثاني
بعد البيبي يباله كم بدله حلوات اذا بتودينه المستشفى او حد بييج
و السباابيح الي هي جلابيات من القطن و تكون اريح شي للياهل
و لحافات
و كبوس للبيبي ويعونه في محلات الاطفال و يكون من القطن

احتياجات للام:
جلابيااااااات
و يفضل اول يوم تلبسين جلابيه جي ربشه حق المستشفى و بتلقين منهن في محلات قمصان النوم
شيل بيضا
حمالات للرضاعه
ملابس داخليه
و لا تنسين في شنطة المستشفى تحطين منظره صغيره و مشط وكحل و جلابياتج و الفوط الصحيه و ملابس الداخليه و الفوطه و الفراشه و المعجون و العطر و السليبر و الشيل البيضاء

شغلات الضيافه:
مثل مب معروف عدنا
الشاي و القهوه او حليب بالزنجبيل او زعتر او اي نوع من الاشياء الحاره بس يفضل الشاي و القهوه
مكسرات و حلويات
و توزيعات للبيبي

اما منيو الاكل
كيك مقطع صغار يعني شي خفيف يناكل
سندويشات صغيره
و في ناس يوم اسير لهم يحطون محاشي و هريس و تشوفييين اشكال وانواع من الاكلات و خاصة فليل هذا يعتمد على حسب العادات عدكم ترا يختلف من ناس لين ناس

و انشاء الله اكون افدتج و ما نسيت شي

هلا حبيبتي جبيت اساعدتج في تجهيزات البيبي

بسم الله نبدأ

أغراض البيبي

-المراضيع تاخذين 2 صغار واحد وسط ويكون زجاج ويفضل بيجون ( بيبي شوب)
-فلاس صغير للماي الحار(الجمعيه او كارفور)
-مصاصه ويفضل nuk يحبونه اليهال مع السلسله(بيبي شوب)
-صابون سائل لتعقيم المراضع (مذركير)
-استاند اتحطين فيه المراضع للتجفيف بعد الغسيل (بيبي شوب)
-فرشاه لغسل المراضع والمصاصات (بيبي شوب ومذركير)
-اللي يحطون فيه الحليب حق البيبي والشاي الليي ايي طبقات ما اعرف شو اسمه(بيبي شوب)
-فوط صغار و وسط وكبير للاستحمام(بيبي شوب ومذركير)
-بديهات new born أو 0/3
-أوفر رول للنوم اولكل يوم (بيبي شوب ومذركير)
-اوفر رول للخروج(بيبي شوب ومذركير)
-قحافي قطن (بيبي شوب ومذركير)
-قماطات (بيبي شوب وأرض الاطفال)
-حزام القماط اللي يلزق (بيبي شوب وأرض الاطفال)
-صدريات (بيبي شوب ومذركير)
-مشط ومقراض (شنطه فيها كل شي )(بيبي شوب ومذركير)
-( شامبو-صابون سائل للجسم-وبودر-وزيت) الصراحه احلى شي ماركة شيكو روعه الكل يسألني شو تستخدمين للبيبي روعه ريحته
-زيت المسك روعه للبيبي اتعطرينه (بودي شوب )
-فراش للبيبي اللي يتشال فيه (أوكايدي -بيبي شوب)
-سله اتحطين البيبي فيه لأول الشهور ويفضل يكون متنقل (بيبي شوب)
-عربانه للطلعات(بيبي شوب ومذركير)
-منز للنوم مع طقم الفراش ولحاف (بيبي شوب )
- شنطه لأغراض البيبي صغيره للطلعات القصيره وكبيره للطلعات الطويله(بيبي شوب ومذركير )
-نايلون اصغير يتربع لتغيير حفاظ البيبي اثناء الخروج (بيبي شوب وارض الاطفال)
-بامبرز وكلينكس معطر للتنظيف
-أكياس معطره للبامبرز (مذر كيروبيبي شوب )
-بوكس لأغراض البيبي (مذركير)
-بيبي جينجر لتغيير البيبي في البيت منه مع الادراج وفي منه بلاستك ومعاه بانيو للاستحمام(بيبي شوب)
-اسفنج اتحطينه في البانيو للبيبي (بيبي شوب )
-ميزان حراره
- ابجوره صغيره

وهذي أغراضج
-جلابيات قطنيه مع فتحات للرضاعه للبيت والنوم
-طقمين دانتيل مع الروب للمستشفى
-حمالا ت وملابس داخليه
- قطن لمنع تسرب الحليب
-مطاره
-فوطه نسائيه
-طقم فراش للمستشفى
-فوطه وروب وشبشب للمستشفى من نعومي
-شيلة بيت وفرشاه ومعجون ودهن العود وعطر خفيف وكريم وشامبو صغير وشور جل

والاكلات
- العصير فرش اطلبي من الكافتيريا اللي ييون كبار في غراش المسافي
-ورق عنب - سندويشات-فطاير بالجبن -لبنه بالزيتون-سبانخ-( المهم خلي كل شي صغير )
صحون بلاستك او زجاج كم حبه للضيوف الاسبيشل (خلي لون الصحون على نفس لون الاغراض اللي مسويتنه )
في قلاصات بلا ستك على شكل زجاج حلوين في كارفور قسم الصحون البلاستك
-شاي وقهوه
وأخيرا هدايا التوزيع

ماشاء الله عليكم ما خليتو شي

الجلاليب الي عند معرض ايوب وااااااااايد حلوه ونوعيتها لندنيه
واذا بغيتي اكواب فخمه شوفي عند لايف ستايل رهيييييبه اشكالهن

السلام عليكم
اشحالكن بنات
ماشالله عليكم حبيت أشاركم الموضوع بس مثل ما قالت شنكر كفيتوا ووفيتوا وتسلمون على كل اللي قلتوه ماشالله والله استفدت في أشياء كانت غايبه عن بالي ذكرتوني بها والله يعطيكم العافيه وما قصرتوا