اقسم بالله العظيم انك صادقه وانا وحده من الحريم اللي قاعدين يفكرون وش بيسون في نفاسهم وش بحط ومتى ببدا والله اني الحين بس قريت موضوعك ورحع لي عقلي الله يكتب اجرك واجري ويثبتنا بس وماننسى ونروح نقلد الناس حلو انك تصيرين مميزه ب بالعقل انا ماقول منسوي شي وبعدين على فكره صارت موضة المفرش والحركات هاذي موضه قديمه الحريم الحين اذا جاها احد مثلا وهي في بيت اهلها تطلع لهم هي والبيبي في المجلس وماتطول معاهم وترجع غرفتها واذا كانو قرايب مرررررره مثل خالاتها وخواتها يجونها بغرفتها او المقلط اللي هي فيه وهي بفرشها عليه مفرش مرتب والله ماقول كذا عشان انا ماقدر والله وماحد اكثر مني في الخبال وابتكر اشياء ياربي لا تحاسبنا ابتكر اشياء ماتخطر على بال احد واذا عيا زوجي اخذ من ابوي يعني ماعندي مشكله في الماده لكن والله يابنات وانا اكلم نفسي قبل ما اكلمكم والله ثم والله ان فيه ناس مايلقون ماياكلون وحنا كب الفلوس بالزبايل اعذريني ياصاحبة الموضوع والله اني محتره من نفسي وبس ومقهوره على الاشياء اللي سويتها بزواجي وملكتي اتمنى لو اني تصدقت فيها الحمد لله على الصحه والعافيه والله لا يغضب علينا واسفه ياصاحبة الموضوع ويابنات على الاطاله
الصفحة الأخيرة
وثانيا الحمد الله هالخرابيط مو عندنا
وثالثا في ناس مقتدرة وفي ناس لا يعني اللي زوجها مو مقتدر بتصير مع زوجها مشاكل مالها اول ولا تالي
ورابعا الصدقه حلوة على المناسبه الحلوة وان ربي طلعه بصحه وعافيه
والله ثم والله انها نعمه صديق زوجي حرمته ولدت وبعد 3 ايام بس حطو البنت بالعنايه المركزه بمدينه الملك فهد الطبيه وهي الان لها شهرين وامها جتها صدمه وهي متنومه مع بنتها
طبعا زوجي ماقدر يسال صديقه فسال الدكتور اللي مشرف عليها
تدرون وش قااااااااااااااال ولا ماتدرون والله شيء يكسر الخاطر وتبكي له العين
تدرون وش قال؟؟ آآآآآآآآآآآآآآآه بس قال البنت اللي تسال عنها حالتها واحد من عشرة من مليوووووون في العالم
يعني مررررررض نادر
تبون تعرفون المرض؟؟
هو مرض ماتقدر تاكل اي شيء ولا حتى الحليب والمويه؟؟
بتسالون ليش انا اقولكم جهازها الهضمي مايتقبل اي شيء لانه مايعمل
وهي عايشه بس على المغذي آآآآآآآآآه بس احمدو ربكم
يعني 3 ايام ثم العين صابتها
ااحمدو ربك احمدووووه وتصدقو والله الفشخرة الزايده سبب امراض جديده وغريبه
وحافظو على عيالكم يعني الوحدة مو تولد وتحط ولدها بمفرش تقديم وخرابيط ولا توزع صور ولدها مع الحلاو
وهذا رائي بصراحه وصرامه
واتمنى من صاحبه الموضوع انك تظيفين ردي بالموضوع عشان الكل يشوفه ويقراه