بصراحه لسا ما جهزت شئ من ناحية الضيوف ماراح يجيني كثير لاني في مدينة بعيدة ومن ناحية نفسي برضو باقي بنزل ان شاء الله السوق اشتري ملابس داخلية وقمصان وبالنسبة لاغراض المطبخ حقت النفاس باقي القشر والتمر وحب الرشاد
فلذالك ماني مجمعه ابغا اتذكر معكم بعض الاشياء عشان اكتبها واجهزها لمن انزل السوق ساعدوني

ياليت بنات تعطونا فكره عن اغراض الضيوف
مثلا ترامس قهوة واطقم فناجيل وبيالات
بعد صحون حلوة لتقديم التمر

اممممم وش بعد بنوتات وش ممكن نحتاج

ربي يقومك بالسلامة

بالصدفه اليوم خلصت تجهيزاتي وجيت لقيت موضوعك أغراضي قسمتها ثلاث اقسام:
اولا المطبخ : قضينا مقاضينا المعتاده اللي نقضيها بنهاية كل شهر المواد الغذائيه ( معلبات_ سكر _ رز _ دقيق بأنواعه بر وابيض_ الحليب_ التمر الخ........
اللحوم ( باقي الذبيحه ماجبناها بعد الولاده ان شالله بالاضافه للدجاج واللحم المفروم)
حوايج وزهورات النفاس( الشمر . القرفه. القشر. الكمون . حبه سودا. مره. الزنجبيل .)+(العسل الالماني . الزبيب اليماني . الزمزم . )+( البن والهيل)
وطبعا بعد الولادة الخضار والفواكه طازجه وبوقتها



ثانيا: اغراض الصيدليه وسبق عرضتها

وثالثا واخيرا: ملابسي وملابسه

وتم بحمد الله وعونه ابغا اوووووووووووووووووووولد مابي شي تعبببببببببببببت

والله موضوع مهم جدا
بانسبه لى اهم شي عندي اغراض الضيافه مهمه جدا
شريت ترامس القهوه والملاعق وفناجين القهوه وبس
باقي لى صحون للحلا وفناجين شاهي وترامس شاهي لى شهر ادور ومالقيت شكل يعجبنى
وصينية التقديم

اما اغراضي مانى مكلفه بشي كلها فتره بس ابشتري شرشف للسرير وجلابيات وبس
واغراض جسمي بجهز خلطة الجلوسيد وسلامتكم
والبيبي ولا فكرت اشتري له شي يوصل بسلامه الله يخلى ابوه الله لايهينه يروح يشتري له اى شي

مطبخى واغراض النفاس
باقي مارسيت على شي نظام قشر قهوه كثير وطويل
وفيافي باقى ماقررت على اي نظام امشي بس بجهزها على الشهر الثامن بمشيئة الله

اما الاكل والله للحين مانى عارفه ايش اسوي وايش اجهز

فى نهاية كلامى المهم عندي اغراض الضيوف ثم طلعتى للاربعين