تجهيزات مولودك الجديد حياكن 😘

تجهيزات مولودك الجديد الله يجيبه بالسلامه تحتار كل أم جديدة في تجهيزات مولودهاماذا تشتري وماذا تحضِّر لاستقبال مولودها الجديد
من هنا قمتُ بفضل الله بتجميع ما تحتاجه الأمالمقبلة على استقبال مولودها الجديد
بالنسبه للي اول مولود تحتاج تشتري كل شي من والى وبنذكرها بالتفصيل ولازم اهم شي هو تكتبي كل شي تحتاجيه وبالعدد افضل علشان لايغرك السوق وتقشي كل شي وتطلعي بمبلغ كبير تجلطين ابو الشباب هههههه
اما اللي سبق وعندها اطفال اتوقع عندها بعض القطع وبتخف عليها التكلفه واللي عليها تسويه تطلع كل شي عندها وتشوف اش ناقصه وتسجله بورقه وتنزل على اساسه
وبالنسبه للحريم فيه نوعين
حريم تحب تاخذ بس اللي يكفي طفلها بس فتره شهرين وبعدين تنزل مره ثانيه وتقضي لانه الطفل بيكبر وبتضيق عليه ملابسه وهذا اللي انا بسويه مع مولودتي يارب تكون بنت متفائله
وحريم تحب تقضي ملابس لفتره الاربعين وملابس لفتره مابعد الاربعين لسن سته شهور يعني تريح مخها من بدري وتقش من 0-3
ومن 3-6
تاخذ المقاسين وبعدد معين ومااتنزل لسوق ولاتحتاج شي للبييي لعمر سته شهور
يلا هذريت كثييير عليكم
نبدا التجهييز
نبتدأ أولا بملابس الطفل
ويُفضل أن تكون قطنية
وتحتاج الام الى عدد لايقل عن 5 بربتوزات الداخليه
وبالنسبه للعمر كل ام وادرى بحجم طفلها اذا يجي صغير تاخذ المقاسات اللي تجي اصغر من صفر

واذا كان ثلاث كيلو تاخذ المقاسات
اللي تجي من 0-3
واللي عندها شغاله لاتكثر عن خمسه لانه تصغر عليه بدري والشغاله تغسل عندك على طول
واللي ماعندها تحتاج الى سته او سبعه وتجمع الغسيل وتغسل
ونحتاج لعدد ست قطع فرهولات او شيالات زي مااتسمونها انا مااحب اللي كامله برجول لانه تعيق الحركه لطفل وتصغر بسرعه وتتعب وقت الغيار وخصوصا الاجواء بدت تحتر ومقبلين على خيير وصيف فما بنحتاج اللي برجول
واحب انصحكم تاخذون اللي تجي كامله بازارير طقطق من فوق لتحت مريحه جدا وقت الغيار لطفل
ونجي للكوفال اللي تلفي فيه الطفل افضل شي تاخذي قطن واربع قطع
ونجي لمفارش الطفل اللي تحملي فيه الطفل البيت او المدس ماعرف واش تسمونه بعد خذي قطن وناعمه بدون نقش وخرز لانها تعور الطفل خذي ثلاث قطع
لانه نحسب حساب الطفل لمن يستفرغ ويحوس الدنيا في يكون عندك بديل
ونحتاج لشال اللي يجي شغل سناره شكله جميل هذا للاستقبال ناخذ واحد بس لون سكري او ابيض مع مفرش لون سكري او ابيض للاستقبال فقط اما لبس لطفل للاستقبال مايحتاج لانه بيكون ملفوف بالكوفال وفوقه الشال ذا مابيبين منه شي واللي تحب لبس للاستقبال تاخذ قطعه لو ن ابيض حسب لون المفرش عندها تبع البيبي
ونحتاج بعد اربع قطع شراب
وقطعتين قبوع
ونحتاج لمريله عدد4 علشان تحمي ملابس الطفل من الترجيع البسيط
ونحتاج شنطه عدد 2
شنطه تكون خاصه بغيار الطفل وفي ناس تفضل تاخذ طاوله الغيار انا ماحبيتها لانها تضايق المكان وماعندي مكان اخزنها فيه عكس الشنطه اصغر واوفر واستفيد منها مستقبلا
مكونات الشنطه
حفايض البيبي وطبعا احط عدد معين علشان ماسوي زحمه وكل ماخلصت اعبي هي بس تبع غيار يعني عده متكامله للغيار وافضل شي بامبرز عنايه مميزه بدايه العمر وفي ناس تحب تاخذ بيبي جوي لانه حجمها صغير وتناسب لعمر شهر بس انا ماحبها لاكثر من شهر لانها تسرب وتبلل الطفل
كريم سودوكريم
فازلين
بودره السره
ومسحات طبيه
وزيت جونسون او لوشن جونسون
مناديل مبلله
وقصاصه الاظافر
وقت مابتحممي طفلك او بتغيري له حفاظ تقربي هالشنطه منك 👌🏻
الشنطه الثانيه للخروج من المنزل وتحطي فيها كم غيار وحفاظ ومنديل مبلله ومناديل عاديه اوووو وبس تقريبا
ونحتاج رضاعات وشفاط حليب اللي يتعبوا الايام الاولى من الرضاعه تشفط وتحط برضاعه وتعطيه لطفلها
واذا بترضع صناعي تحتاج الى كذا رضاعه وافضل شي بالنسبه لي رضاعات بيجون قزاز وتحتاج كيالات لتكيل الحليب ويسهل صنع الحليب وتخصص ثلاجه للماء الحار لعمل الرضاعه
وفرشاه تنظيف الرضاعه
سرير لبيبي
هزازه من سنتر بوينت حلوه مااستغني عنها
وساده البيبي اللي على شكل حرف تساعد على الرضاعه بعد حلوه ترفع البيبي
ثانيا نجي للام
تحتاج الى قميص استقبال مع طرحه تلبسه وقت استقبال الضيوف بس لونه ابيض او سكري
وكل ناس هنا وعاداتهم
وتحتاج الى اقمصه للبيت بازارير علشان لو بترضع
وتحتاج غطاء الرضاعه او شرشف جميل وقت الرضاعه
كولتات واسعه وسنتيانات رضاعه او عاديه
وفوط حسب النوع اللي يريحك اشوف فام كويسه
واذا تحبي تلبسي باليه او سروال او مادري واش تسموه برموده هذا اختياري
وشبشب مريح للبيت وقت التنقل من غرفه لغرفه
وشرابات
وحفاضات لصدر لكي لايتبلل الملابس من الحليب ف الايام الاولى توجد في الصيدليات
والله وبس تقريبا كل مااحضرني كتبته لكم ولي تقريبا خمس ساعات وانا اكتب وانشغل وارجع اكمل الحمدلله خلصته وماابي منه الاجر والدعاء في ظهر الغيب
وعندي نصيحه لكل ام لاتبالغي في شراء الملابس لمولوده وشراء الماركات. لانه صغير وتضيق عليه هالملابس في اقل من شهر ولا حقة سعرها
ف لله الحمّد توجد مراكز كثثير تبيع مستلزمات الطفل والام تحت سقف واحد
وبعد لاتبالغون في الاستقبال يكفي لو حطيتي صحن شوكلت ولو حاابه مره ثيم على الشوكلت والحمدلله


الله يقومكم بالسلامه ويحفظ لكم اطفالكم
وبس سامحوني اذا قرقرت واجد بس حبيت افيد غيري


اختكم ومحبتكم ❤️ قدها لابغيت ❤️