تجهيزك للسفر تميز

بسم الله الحمد لله والصلاة والسلام على النبي وآله
اخواتي العزيزات حابه اكتب لكم موضوع مميز ولكن ابغا من الجميع المشاركه علشان اكمل كتابة هذا الموضوع اللي هو كيف يكون السفر متعه وفي نفس الوقت في غير معصية الله وكيف تجهيزاتك للسفر وش هي الأشياء اللي ماتستغني عنها طبعا بتجاربكم وافكاركم راح نستفيد ونتنبه لأشياء يمكن نغفل عنها .......... المهم طبعا اول شي في السفر استخيري انتي وزوجك وهذي النقطه مهمه جدا لأنكم ماتدرون وين الخير
اما كيف تستعدين للسفر الأفضل يكون تجهيزك لشنطة السفر قبل السفر بيوم وعااااادي لو في نفس اليوم بس بيكون صعب عليك شوي خااصة اذا مانتي متعوده السفر بين فتره واخرى ........... الأشياء المهمه اللي تاخذيه في الشنطه معاك( ملابس ابو الشباب ـ ملابسك ـ ملابس أطفالك ـ العطور مكياجك استشوار علشان ماتتوهقين ..... مناشف لمل بعد الإستحمام ـ سجادات طبعا اذا كان سفركم اكثر من 4 ايام لا يجوز القصر بل تصلى الرباعيه كامله وعلى زوجك الصلاه في المسجد انتبهي لهذي النقطه ......... نرجع نكمل .. شباشب اذا راح تسكنون في شقه مفروشه الافضل استخدام شحاطات خاصه بك ولا تستخدمون اللي في الشقه كمان خذي مسحات طبيه امسحي بها مقابض الابواب ومفاتيح الانوار لان اكثر المراض تنتقل باللمس والافضل استخدمي بخاااااااااخ كلوركس متعدد الاستعمالات اسهل واسرررررررررع قولو احنا رايحين ننظف!!!!!!! :angry2:........... ايضاً شامبو ـ فرشاة اسنان ـ معجون ـ صابون ايدي (يعني الاشياء الي تحتاجينها في الحمام ولا تنسي تاخذي معاك ديتول علشلن تصبيه في الحمام في البانيو والافرنجي وغسالة الايدي ايييييييييييييش كماااااااااااان ! ايوه خذي شراشف للأسره (حريصه مره) لا بصراحه انا مااتقبل اجلس على الكنب في الشقه المفروشه مهما كانت فخامة الشقه فما بالك انام على شراشفهم ايضا إذا كان عندك طفل خذي عربيته حقت السوق علشان اذا طلعتو تتمشون ماتقعدين شايلته ويجلس يسحب غطايتك وراح تشعري بالحرررررر لو انكم في عززز البرد !! :eek:ههههههههه وراح تتبهدلي ولا تحسي بطعم الطلعه طبعا في السياره خذي مزازات (شفاطات عصير ) راح تحتاجيها لو بغيتي تشربي حاجه ماراح ترفعي وتحطي في غطايتك بس مزي وارتاحي عموما خذي كميه وحطيها دائما بدرج السياره راح تحتاجيها ــــــــــــــــــــــــــــــــــــــــــــــــــ بصرراحه عندي افكار جد حلوه لكن اذا شفت تفاعل منكم عن السفر تجهيزك له واقتراحاتك عندي افكار لاستغلال الوقت في السياره وحركات حلووووه مع ابو الشباب
اناااااااااا بانتظار افكاركم ............ ورونا شطارتكم خخخخ


دعواتكم لي ياحلوااااااات