الله يوفقهم يارب هذا اهم شي

انا توني متزوجه وكنت شايله هم مثلك لاني موظفه بس الحمدلله تتسهل الامور مع الايام

اهم شي بالنسبه لي فرن كهربائي للصواني
فرامة طعام تختصر الوقت بدل تقطيع البصل والثوم والخضار ..
اللي عندي ماركة black & decker خلاط وفرامه وفيها شفرات لتقطيع الخضار بعدة اشكال
طقم قدور تيفال بعدة احجام
صواني بايركس للفرن بعدة احجام
قوالب للكيك والكب كيك


انا دايم اسوي صواني بالفرن واشياء سريعه لاني ارجع متأخره من الدوام ولا يمديني اخذ راحتي

مكرونه بالبشميل .. صينية شاورما .. صينية توست بالبرجر والكريمه .. مكرونه حمرا باللحم المفروم .. فوتشيني
اندومي بالنقانق والذره .. اسباجيتي بكرات الدجاج او اللحم .. ستيك لحم مشوي مع بطاطس مقلي وصلصة المشروم
مكرونة البيتزا .. دجاج بالفرن .. صينية بطاطس مقلي مع دجاج تندوري بالصوص الابيض (كريمة خفق وجبن ومايونيز)
بيتزا بالبف باستري (في قالب التارت بدل عجينة البيتزا استخدم بف باستري وعليه حشوة البيتزا)

الرز اسويه مره بالاسبوع ..

واخذ منتجات نبيل لذيذه وتفك ازمه ..
دجاج شاورما متبل وجاهز يجي قطعه وحده كبيره انتي تقطعينه حسب الرغبه
ودجاج تندوري روووعه وصدور دجاج متبله واشياء كذا
اللحم المفروم او الدجاج او الستيك اطلعه الصبح في روحتي للدوام واخليه بالثلاجه يفك عنه الثلج على راحته

الشوربات احيانا اسويها .. شوربة عدس .. شوربة مشروم .. شوربة شوفان بالخضار ومرات استخدم الشوربات الجاهزه

فيه اشياء ممكن تجهزينها من الليل مثل صوص البشميل .. حشوة اللحم المفروم
انتي مع الايام بتعرفين تنظمين الوقت ..

اما بالنسبه اذا غدا او عشا هالشي راجع لك انتي وزوجك ..

دخلي قسم الاطباق الساخنه واخذي الوصفات السهله وحطيها بملف
واذا تبين ملفي من تجميعي ارسلي لي بالخاص ..

الله يسعدكم بنات

اممممم
قدور خذي طقم يجي كبير ووسط وصغير واصغر 
ثلاجات قهوه وشاي خذي طقمين ريجيل حريم 
خذي طقم صياني فرن نوعي تيفال وبايركس 
مقلاه طقم تجي كبيره وصغيره 
خًذي مولينكس متعددة الاستخدام تفرم وتخلط وهيكه
خًذي كيسان مويه وعصير طقم سكاكين وملاعق 
ملاعق خشبيه كبيره طقم 
صياني تقديم. القهوه طقم 
خذي علب البهارت والقهوه والسكر تجيك طقم 
خًذي طقم سفره يجي فيه صحون باشكال مختلفه 
وخًذي صحنين حقة كبسه وسط وكبير 
خذي علب بلاسيكيه باحجام تجي بغطي ممكن تعجني فيها وتحطي الطحين فيها والرز تجي بشكل دايري  ومربع كبار مره وصغار 
غلاية مويه 
هاذي تقريبا الاساسيات 
وانتي عاد شوفي بطريقتك وش تحتاجي 
ممكن تضيفي صحون حلا وصحون تقديم ومن هالاشيا 
والله يكتبلك الخيره 

ماقصروا البنات جابوا لك كل شئ 
الأجهزة ثلاجة 20 قدم لك و للزمن اذا كبرت العيلة
 و فرن اللي يريحك تبين غاز ولا كهرباائي تبين فرن وقز مع بعض ولا منفصلين 
و مكرويف
برادة ماء 
غلاية ماء 
شوايه
توستر
فرامة بصل أرشح لك كينوود اللي فيهاشفرتين و وعائين سعرها 170 تقريبا
خلاط طماطم و خلاط كيك آو تشترين محضرة
عصارة فواكه

و بما انك طالبة ما تحتاجين الأجهزة المتخصصة و العجانة ما عندك وقت للعجن و للفرد