تجهيزي خطوه بخطوه ..وبطريقة جدا سهله ..حياكم ياعرايس :)

السلام عليكم
ألف ألف مبروووووووووووك :icon28: بالتوفيق لجميع العروسات ..حبيت أكتب لكم تجهيزي خطوه بخطوه لأجل يستفيد منه أكبر عدد من البنات المتوهقات في التجهيز:09:
أتفضلو :)
انا توني متزوجه وعندي فكره كامله عن التجهيز فقرأت للبنات كذا موضوع اللي تقول انا حايسه واللي تقول علموني كيف أجهز فقلت انزل موضوع أفيد فيه الجميع
اولا هذا موقع مجلة عروس مررره راح تفيدك
http://www.zafafi.com/inside/1-bride-need/fasaten.htm
شوفي عزيزتي أول شي تسوينه
1- إذا ناويه تقعدي كم شهر ماتحملي ببداية زواجك تروحي لدكتورة نساء تسويلك تحليل وأشعه وتعطيك الحبوب المناسه.
2- تروحي لدكتور أسنان تصلحي كل أسنانك اللي فيها سوسات وتسوي تنظيف وإذا تحتاج لتبييض أنصحك بتبييض الليزر فهو أفضل من البلازما وغيرها...وشوفي مستشفى كويس عندك بالرياض عيادات صفد مرررره كويسين في التبييض.
3-قبل التجهيز وقبل كل شي أهم شي الغذاء يوميا أشربي كاسة عصير برتقال او جزر لانه يصفي البشره ويوردها وانصحك على الريق ملعقة عسل يوميا شوفي بشرتك كيف تطلع اذا استمريتي وشوربة خضار سلطات علشان مايذبل وجهك ويكون بهتان
بعدها جيبي قلم وورقه وحددي وش بتشتري من السوق وخلي كل يوم لشي يعني مو تروحي وتاخذي كل شي وتطلعي ماانصحك بهالطريقه
خلينا نبدأ أنا وأنتي حبه حبه أوكي
نبدأ من فوق لتحت وهذي هي طريقتي
يعني نبدأ بالشعر
1-أستشواروأنصحك بالألماني لأنك راح تحتاجي بعد الزواج الأستشوار كثير فيبغالك نوعية غاليه وكويسه وتعيش معاك وأفضل شي مايكون كبير اختاري نوعية صغيره تقدري تستشوري فها بسهوله لأن الكبير صعب مسكته بالأيد ..وبيكون ثقيل ماتتحملي شيلته ..دوري نوعيه صغيره وفرشاة شعر وأحسن نوعية اللي تكون الشعيرات مثبته على قاعده حديد مو خشب علشان تمسك الحراره وتفرد الشعر كويس
2-ربطات وأطواق وشباصات كبيره وصغيره بنس بأشكال بنوتيه حلوه بفراشات وغيرها خذي كثير لانك راح تحتاجيها لتغيير في الشكل ولفافات ولريحة حلوه خمريه لشعر
3-شامبو وبلسم بريحة حلوه تلاقينهم عند بودي شوب.
خلصنا من الشعر نبدأ بالأذن
1-حلقان نعومه صغيره وحلقان فخمه لزواجات وحلقان مع ملابس البيت اذا كشختي وحاولي تاخذي الوان تكون مقاربه لملابسك مع كل فستان حلق احنا نسميها حلق يمكن انتم تسموها أقراط
2-أعواد تنظيف الأذن من الصيدليه وانصحك بجونسون آند جونسون أحسن شي لأنها قطنيه وماتسبب حساسيه وألم للأذن.
خلصنا من الأذن نبدأ بالرقبه
1- تعليقات حلوه بأشكال مختلفه شي ناعم وشي فخم مع الفساتين.
الحين خلصنا الرقبه نبدأ بالوجه كامل
1-مكياج(مكياج خفيف للبيت نصيحه مني لاتعدمي بشرتك يوميا بكريم أساس بتلاقي بالصيدليه كريم من يولاي بالتوت البري لتفتيح البشره حطيه على الوجه كامل وبالفرشاة الكبيره مرري بودرة جونسون آند جونسون فوقه والله كأنه أساس مررررره خطير وطبيعي ولا كأنك حاطه شي
مكياج الثقيل للعزايم والسهرات انصحك شوفي انا جربت كل الماركات مافي زي ماركة ميك أب فوريفر في كريم الاساس وخاصه الأساس المضغوط اللي يستخدم بالماء يعطيك تغطيه خيااااااال وطبيعيه مره
والكحل داخل العين يعطيك سواد فاااااااحم ماركة سماش بوكس هذي تلاقينها بصحاى مول
والماسكارا خذي ثنتين وحده خفيفه من ماركة نيفيا ولسهرات انصحك بمسكارا كلارنس متأكده اذا جربتيها ماراح تستغني عنها نهائيا والله وكأنك مركبه رموش
وفي البيت علشان من كثر استخدام الماسكارا الرموش ماتطيح حطي الماسكارا على اطراف الرموش فقط
خذي كحل أزرق وأخضر داخل العين اذا تحبين برضو يطلع حلو مره
لاتنسي البلاشر والليب قلوسات الخفيفه الزهر واللحمي
ولرسم الحواجب استخدمي من بودي شوب فرشاة مع باودر تجي لونين لرسم الحواجب تبين وكأنها طبيعيه خطيييييييره مره جربيها
2-كريم ترطيب للبشره وكريم ماقبل المكياج ولاتنسي مناديل إزالة المكياج جونسون آند جونسون أحب هالماركه لانها طبيه وخفيفه.
وكمان غسول للوجه تلاقي بالصيدليه غسول طبي اسمه سيتافيل حلو للوجه
خلصنا من الوجه نبدأ بالصدر
1- الستيانات خذي اطقم كامله ونصيحة اخت لك لاتشتري ستيانات الا تكون غاليه وماركه لانها بتكون كرف يعني استخدام كثير والاساس خذي أبيض وأسود
والباقي تشكيله وردي ولحمي وسماوي علشان مع كل قميص تلبسي الطقم وخذي ستيانات لحالها مو شرط تكون طقم جربي ماركة شانتيل رووووعه
خلصنا من الصدر نبدأ بالجسم
1-كريمات جسم معطره ريحتها جنااااااان من ماركة فيكتوريا سيكرت
وعندك ميس ديور كريم الجسم برضو حلو وكريم بلمعه
وماتنسي الديودرنت لرائحة العرق احسن شي جربته جليسوليد
2-شباشب للبيت خذي اشكال حلوه شي بدباديب وشي ناعم ساده تلاقي اشكال حلوه وغريبه شباشب بيت.
3-كلوتات خذي كثير وخاصه قطنيات تكون وشكلي الوان منها لانك راح تحتاجيها كثير.
4-فوط صحيه يوميه وادهنيها بمسك تلاقيه عند عبدالصمد القرشي
امسحي الفوطه اليوميه والبسيها تبقى الريحه والنظافه خيااااال
5-غسول المناطق الحساسه تلاقي بالصيدليه فيه بنكهات
6-مقص تقليم الأظافر_مقص صغير _ماكينة براون لنزع الشعر _موس حلاقه راح تحتاجيه في بداية الزواج للمنطقة الحساسه ولاتنسي تاخذيه في السفر_مناكير_عدسات إذا انتي من محبي العدسات
إذا تبغي عدسات طبيعيه وعيونك تلمع ولاكأنك لابسه عدسات جربي العدسات اليوميه تستخدميها يوم واحد وترميها من ماركة جونسون آند جونسون اللون الأخضر أعجز اقولك كيييييييييييييييييف خطيره هالعدسات ولاكأنك لابسه شي والعيون لمعه روعه :)
7-شنط لطلعات اليوميه مع زوجك وصنادل واطيه لطلعات اليوميه مع زوجك انصحك تبعدي عن الكعب لانه مو مريح أبدا في المشي والطلعات ودائما الرجل اذا كان بسوق او مطعم يتضايق من صوت كعب زوجته حتى لو مااتكلم وقالك..لو عزيمه او زواج عادي كعب.
فساتين سهره ولاتكثري منها لانها لبسه وحده فقط وراح تقعد بالدولاب بالنهايه..انصحك بالجاهز لاتخيطي
فستان الزواج وهذا الأساس طبعا وعلى فكره البنات هنا في المنتدى ماقصرو عارضين فساتين مره حلووووه وكمان عندي فستان من تصميم أحمد البدوي استخدم بزواج عائلي 4 ساعات ومره فخم والطرحه والتاج جايين معاه.. واللي حابه أرسل لها الصوره
8-قمصان النوم وشكلي منها شي قصير وشي طويل وبيجايم ..عندك لاسنزا ونعومي
9-لبس البيت برمودات تشيرتات بوديهات وفساتين قصيره .
تنانسر قصيره ولاتنسي خذي اللون الأسود لانه استعمالي.
10-تيورات رسميه للعزايم.
مع كل لبس خذي طقم شنطه وجزمه.
11-جلابيتين ثلاثه اذا حبيتي تغيري وجوك ضيوف بالبيت.
12-بناطيل اذا انتي تلبسي بناطيل
جينز اسود وابيض وبيج هذي الالوان حقت لبس واستعماليه
13-سجادات صلاة لضيوف لو جوك بالبيت.
14-عبايتين ثلاثه وحده لطلعات الرسميه والعزايم والثانيه لطلعات العاديه
15-عطورات بأذكر لك بعض العطورات الحلوه- فلور بومب-ميس ديور-بربري-xs-كوول ووتر-سينما )
16-مخلطات ودهن عود__البخور معمول للبيت وعود
17-ساعات
18-إذا بتسافري برا تحتاجي كوتشات للمشي الكثير وتحتاجي نظارات شمسيه
مخي قفل ماعاد أتذكر شي يارب اكون وفيت وكفيت واي شي اتذكره راح اكتبه لكم واي مساعده واي شي تحتاجونه من عيوني
ابغا دعوه منكم ان الله يرزقني بالخلف الصالح ويسخر لي زوجي ويوفقني
الله يسعدكم
وأي حده تتذكر شي تكتبه لنا علشان البنات يستفيدون
تحياتي :26: