اخباركم ياكروشات ان شالله تكونو بخير وبصحه يارب
اليوم حابه اخد رايكم في تجهيزي لشنطة المستشفى وكمان عشان تقولولي ايش الناقص زي منتو عارفين بكريه وماعندي خبره
ومابقي شي واولد فابغى اخلص بدري
نبدء اولا بالملابس حطيت 3 غيارات ان شالله تكفي وهادي صورهم كل غيار مطقمتو بالكامل
وهادي اغراضو التانيه
فوطه- شنطه فيها المشط والقطااطه والمقص ...... الخ - مناديل -عطر -كريم - رضاعه صغيره للاحتياط - وعلبة البودره
واخر شي الشنطة وبيت الطفل
اما شنطتي باقي ليها شوية حاجات ماخلصتها وراح اقلكم ايش ححط
3 غيارات عباره عن قميصين رضاعه للاستقبال مع لفاتهم وقميص مريح كدا البسو بعد ما اولد
سنتيانات رضاعه - ملابس داخليه للاستعمال مره وحده - مناشف - 3 شراريب - 2 سليبر
فوط صحيه - وفوط للثدي - شامبو -صابون -عطر خفيف - قلوسر وكحل - شباصات -وطبعا اللبس الي حخرج فيه من المستشفى
وحاخد معايا وقت الولاده مويا زمزم ورطب وورد الولاده حنزلو في جوالي
هادا الي في بالي حاليا فاي شي ناسيتو باللهي ذكروني
والله يتمم لنا على خير ويسهل ولادتنا وييسرها يارب
ويرزق كل محرومه ماتتمنى قادر ياكريم