تجهيزي للشنطه قبل والحين في مستشفى خاص

حبيبتي ايش المستشفى اللي ناويه تولدي فيها

والله صادقه بعض البنات يبالغون وكانهم مسافرين ...
ماتنسين اهم شي ....


ويمكن مايكون مهم بالنسبه لك .....

الكاميرا ....

والله الأختصار زين وخوذي الشئ المهم بس
مثلي ملابس داخليه لبسه وحده سنتيان وكلوت وبجامه للنوم
وثوب للطلعه لمن اجي اطلع وطرحه او شال واحد بس وعطرين ريحتهم تختلف
وشاحن جوال ومشط وشباصه والكريم انا اختصرت اخذت مخمريه للشعر والجسم
والويز 3 تكفي وحزام للبطن بس مو مشد حتى ارخي على كيفي ولبسة شرابات
للنونو
علبة حليب لحديثي الولاده ورضاعه وحده بس وقارورة مويا صحه
أخذت ثوب قطني حق مولود ابو ازارير من قدام سهل اللبس اكيد تعرفونه
وبربتوز واحد وشرابات لليدين والرجلين ولفه قطنيه وخيطه ومدس وشرشف وقبعه وكل هذول اذا جيت اطلع البسه
مو قبل ممكن يلبس الشرابات والقبعه ويلف وقت النوم لكن عند الخرجه يلبس كل اللي جبته معاي
ايوه وبامبرزعدد3 تكفي ومنديل مرطب وبودره
اما باقي الأغراض اللي يحطونها بعض البنات مالها داعي الوحده بتكون تعبانه والأستحمام انا استحم بالبيت من اطلع
يعني مايحتاج اخذ لامنشفه ولاشامبو ولاشئ
والأهم طبعاً واول مره اخذه معي وبكل ولاداتي ماخذته وتحسفت اني مااخذته
اللي هووووووووووو
(( حلبه وكمون ويانسون )) طحنتهم وحطيتهم بعلبه صغيره وسكر للتحلايه وحليب بودره لأن الوحده اول
ماتولد لازم تشرب شئ دافئ ومفيد ويقويها وعلى بال مايجون الزوار اصير كد شربت حاجه تنفعني
ايوه واخذت مره حتى اشربها عن الشمم وكتيب ادعيه وعلبة مناديل
وكوب وملعقه
ومادري انا ناسيه شئ اولا متعيجزه اقوم اشوف الشنطه
بس اتذكرت المرايه من القمر وبروح احطها قبل لأنسى
وشنطتي صايره ثقيله بشكل كيف لو اخذ اللي ياخذون البنات على ثلاث لبسات من اللبس
والثياب كل شئ دبل
وكلها ليله وحده ان شاءالله اذا الولاده طبيعي ونرجع البيت

ياعيني عليك كل هذا
بس الاختيارات الثانيه حلو وياليت تزودين لبيبي لبس حلو علشان لما يطلع من المستشفى



الى والله صادقه اختي ارينا الكامرا وقتها حلو بالمستشفى يعني اول ايام البيبي




ولله يسهل عليك وعلينا

ارينا >> الكاميرا مهمه لكن ما اخذها انا لان زوجي بيكون موجود وهو يجيبها والنونو اشوفه اول ما اولد بعدين لازم يجلس ساعتين عندهم وبعدين يطلعونه عندي وقتها يكون زوجي جاب الكاميرا .. اسعدني مرورك :)

ريمه 2007 >> اغراضك قريبه من اغراضي بس سؤال ليش تاخذين حليب ورضاعه مو يعطونه في المستشفى صح ؟؟
والفوط الصحيه اللي لك ليش بعد ما يعطونك هم والا كيف وانتي وين بتولدين ان شاء الله..

ونسيت بعد لفه للراس وبما اني في الصيف باخذ وحده ماتكون ثقيله ..