تجهيز البشرة قبل المكياج

السلام عليكم ورحمة الله و بركاته..
هذا اول موضوع لي اطرحه واتمنى ان يعم الفائدة علي الجميع ..
راح اتكلم عن طريقة تجهيز البشرة قبل المكياج عشان يطلع نتيجة المكياج نظيف و مرتب و يستمر معاك طول اليوم ،،
- لازم يكون الوجهه نظيف من الشعر و كل وحدة تتبع طريقة الازاله الي ترتاح عليها من ليزر او موس او شمع الي اخره
- السكرب جدا مهم يابنات للوجه و الشفايف عشان يطلع الميك اب قطعة وحده طبعاً اكيد كل وحده و تعرف السكرب الي يناسب بشرتها سواء كانت بشره دهنيه او جافة او مختلطة لان في منتجات تحسس البشرة لازم كل وحده تعرف السكرب الي يناسب بشرتها لكن عن نفسي انا اسوي سكربات مختلفه و الي مناسب بشرتي سكرب الزبادي مع الشاي الاخضر مع العسل جداً مناسبني اقدر اشرح لكم كيف تسوونه اذا حابيين. وبالنسبة للشفايف استخدم فازلين مع سكر مع زيت زيتون مره حلوو و مناسبني، لازم المنتجات تكون مناسبة لكم بنات.. سكرب البشرة و الشفايف كلهم منتجات طبيعيه ولازم بنات قبل الاستخدام تتاكدون ان المنتجات تناسبكم عشان ما تتحسس بشراتكم ..
- النوم يابنات جدا مهم لان ينعكس علي البشرة حتي الاكل حاولو دائماً تغذون نفسكم .
- الترطيب من ناحية شرب ماء لان هذا الشي ينعكس علي البشرة و من ناحية ثانية الكريمات و واقي شمس . لازم يكون عندكم جدول عناية يومية عشان البشره تتحسن و تصير احلى بالمكياج و بدون مكياج
- ترطيب البشرة قبل المكياج لازم الترطيب يكون عالي عشان يستمر معاك المكياج لنهاية اليوم بالنسبة للبشرة اختاري الكريم الي يناسبك و كريم خاص لتحت العيون و الشفايف يكون مرطب خاص للشفايف انا استخدم QV للشفايف و البشرة .. بالنسبة للعيون استخدم كريك كلارنس افكادو..


طبعاً هذي الطريقة استخدمها لي و انصح فيها صديقاتي الحلوات..حاولت اختصر لكم الاشياء المهم اذا عندكم اي سؤال تقدرون تسالوني تحت البوست و اذا عندكم مواضيع معينه تبغون نحكي فيها تقدرون تكتبون لي تحت.


بالتوفيق للجميع.. اتمنى انكم استفدتوا