حبيبتي اهم شي غداك وعشاك المكون من الرقوق تدرين انا وش طريقتي اعتمدت المطازيز اسوي لي كميه بالة المطازيز وكل يوم اكيس له اللي يكفيني الغداء بكيس والعشاء بكيس وطبعا سويت 80 كيس 40 للغداء و40 للعشاء وترى مو لازم كل يوم تسوين مرقوق يعني ممكن الاهل او الاصدقاء يرسلون لك اكل المهم ياطويلة العمر

الكشنه اسويها واحطها بعلب واذا بغيت اسوي الغداء افوح الماء( اغليه) واخذ علبه وحده كشنه وارميها في الماء واخذ كيس واحد من المطازيز وارميه بالقدر طبعا اكون مطلعته من الفريزر قبل بفتره علشان يتحلل من الثلج واجيب قدر ثاني وافوح الماء وارمي فيه كشنه واخذ كيس لحمه وارميه على الكشنه وطبعا احط بهاراتي وكموني وراح تجهزي احلى مطازيز واحلى مرقة لحم وبكذا تكوني وفرتي وقتك وجهدك

الله يقومنا واياكي بالسلامه
هالمرة ان شاء الله نفاسي رح يكون لحالي فحاطه ببالي كم اكله افرزها تكفي اسبوع زمان لحد ما اقدر ان شاء الله اسوي الاكل
اهم شي بالنسبه الي شوربات
ان شاء الله ناويه ا سلق كم دجاجه وافتتها واقسمها في اكياس وافرزها
ومرقتها كمان احفظها في علب وافرزها ولما احتاجها ان شاء الله اطلع المرقه والدجاج وافورها عالنار واحط عليها شوفان او حسب ما تحبي وبالنسبه للاكل الثاني المطاعم موجووده والحمد لله
كمان المغلي لو تعرفيه اسويه مقاديره واخلطها مع بعض واقسمه باكياس ولما يلزمني احط عليه مقدار الميه وعالنار شوي
وهذا اللي في بالي الان
شكرا عالموضوع المفيد وان شاء الله تعم الفائده عالكل

ممكن تسوين تمرتك
تعجنين التمر مع شوي سمن وحبة البركه
وحبه حلوه وكمون وفلفل اسود وشووويه حبه سوده.


وممكن تعجنين عجينة خبز الصاج وتقسمن العجينه باكياس لحم وكل مااحتجتي العجينه طلعتيها
قبلها ب٣ ساعات ساعتين..
ثم تكورينها كور وترقينها وتخبزيها..

او ممكن تسوين الخبزه اللي تجيك مثل الكيكه..
اللي طحين بر نجران مع ملح وشويه سكر خميره ومويه وشويه حبه سوده
وتجيك العجينه اثقل من عجينة اللقيمات ومو مثل الفطاير..
ثم تحطينها بتيفال فرن..
وتخلينها بري ساعه ثم دخليها فرن حار من تحت لمدة نص ساعه..
ثم من فوق شوي وطلعيها ولما تبرد قطعيها وكل قطعه بالفريزر...
ولما تبغينها طلهيها قبلها بساعه وسخنيها بالميكرويف
وغمسيها بسمن وعسل..
او تصيرين تاكلينها بكشنه..
او تفتتين او تقطعين القطعه.. وتحلينها بعسل وسمن وقشطه..



الله يشوفلك يالغاليه..

وادعيلي تكفين بالولاده السهله وسلامة المولود
ويخليلي ويخليلك عيالنا..