تجهيز العروسة

انصحك تروحين لقسم الازياء وتجهيز العروس هناك تجمع العرايس الحلوات زيك،،،

ومبروك الف مبروك مقدما الله يبارك لك ويجمع بينكم على خير يارب

انصحك بكتابه كل شي ترينه مهم في ورقة حتى ولو كان سهل وموجود
حتى لاتنسين ولو ابسط الاحتياجات


موفقه ومبارك زواجك مقدماُ

من الاشياء المهمه في التجهيز
انك ماتكثرين ملابس
لانها تطير المهر ولانك محتمل تحملين ويتغير جسمك وانتي مالبستيها كلها
ولاتشترين لانجري كثير لان بعد الزواج تعرفين ذوقه في اللبس
وعلى اساس ذوقه تشترين
اشتري بس لا تكثرين

الشي الثاني
اللي موجود عندك قبل ماتنخطبين استفيدي منه
على الاقل عند اهله
مثل
الملابس . الجزم . العطور والمياج .........

بالتوفيق

احس كل شي محتاجته العروس
من الى..
بس انتبهي انك ماتشترين ارواج نفس بعض او متشابهه كثير
والشادو روحي ميك اب فور ايف اشتري الالوان اللي تحبينها ومضمونه انها تناسبك
وتناسب مع اغلب الملابس

او حتى بعض المحلات الرخيصه لاحظت انها علبه كبييييره ب 40 ريال ومليانه الوان يمكن 60 لون
واستغربت انها زينه وحلوه لاني ما كنت اثق باي شي
بس بما انك عروس محتاجه شي مناسب للاستعمال اليومي للبيت او شي..

والله يوفقك بزواجك..

السلام عليكم ورحمة الله وبركاته
اختي شوشو اول شي روحي اشتري شنطه كبيره اوتنتي وابداي دخلي ادواتك فيها
1- أهم شي كثري ملابس داخليه وبجايم لانك ماراح تغسلي الملابس من اول الزواج غير كذا تحتاجي تغيري باستمرار واهم شي اكرره الملابس الداخليه وحاولي تكون السنتيانه طقم الكلت
2- اشتري لبس اول ليله من ماركه معروفه بالنسبه لي جبت لي كذا قطعه ماركه والباقي من اماكن عاديه والله فيها اشياء ماراح تتوقعيها فساتين للبيت قصيره وبناطيل وبجايم جنان
غير كذا استغلي اوقات التخفيضات مثل لاسنزا ونعومي وستي بلازا
3- استفيدي من ملابسك الموجوده لانه ماشافها واكيد حلوه تفك زنقات ، واشتري كذا لبس للخرجه
4- اشتري عبايه بالطرحه اذا تبغي
5- لاتنسسسسسسسسسي السيشوار والفرشه والمعجون وفرشة الاسنان وخذي معاك مجموعة لبان بعدة نكهات والشرائح تنباع في الصيدليه لرائحة الفم والشامبوا والبلسم والكريمات وبعد كل استحمام ادهني جسمك وعطريه ولاتنسي مزيل العرق
6- اشتري كم شبشب طقم البجايم تكشخين فيها بالبيت واشتري شغلات الشعر مثل الكلبسات لانك ماراح تستشوري كل شوي بطريقتك تفنني بشعرك
7- اذا حابه اشتري كم بخاخ لغرفتك انا جبت من اللي في ستي بلازا اللي لونه ازرق ريحته حلوه
8- من الاشياء الضروريه جهاز نزع الشعر كل مارحتي الحمام استخدميه او اشتري مجموعة امواس واستخدميها بس لاتنسينها في الحمام ويشوفها راح تنحرجي
9- المكان اللي انت فيه اواللي بتروحيه اذا بارد اشتري كم شراب اللي اشكالها حلو تجيك زي الخف على قد القدم
9- اذا كنتي من اللي يحبوا المناكير لاتنسي تشتري المزيل
10-لاتنسي الاكسسوارات وكل ماكانت ناعمه راح تكون احلى
اتمنى اني افدتك واي سؤال انا حاضره