تجهيز العروس...

مراحب عالجميع...

بنات انا عندي استفسار عن بعض عادات المناطق فيه شي بنات كثير ينزلون له صور في المنتدى وفيه بنات كثير اللي هم من طقتي....مايعرفون العاده هذي ايش

الا و هي تجهيز العروس طيعا اللي انا اقصده هو دبش العروس يعني الجهاز يغلفونه ويزينونه بشكل حلوووو

احنا يااهل الرياض ماعندنا هالحركه انا نجمع الملابس كلها والاغراض اللي شرتها في البعض يجيب تلفزيون وغساله ومكنسه يعني الاشياءالكهربائيه والبعض لا يجيبها الزوج واليوم اللي بيودون فيه عفش العروس تروح امها واخواتها او قريباتها المقربات فقط يعني مو من هب ودب ..وهي تنطق في بيت اهلها هذا اذا كان بتعيش مع اهله ..وطبعا يرتبون ويعلقون الملابس وووو وفي الاخير اهل الولد يكونو مجهزين عشاء او استقبال لهم ...اول الناس كانويسوون ضيفه غدا ثاني يوم من العرس واذا جا العصر يرقون الحريم لغرفه العروس ويشوفون غرفتها وترتيبها البعض يفتح الدولاب بعني شوفو جايبين ملابس والبعض لا ...والحين الغيت الحركه هذي...


وانا ابي اعرف الدبش ايش طريقته يالله علموني بنات...