تجهيز العروس

الله يوفقها .. يارب حبيت ارفع الموضوع لك

اول شيء حسب ميزانيتها
العطور لا تكثر من الغاليه تاخد مثلا اثنين ونصيحه لاي عروس عطر كوكو شانيل والورا روووعه وتاخد لها 3 من عطورات جنيد مثل فتينه وبنفسج يجننن وعطر الف ليله من اجمل وهدا العطر لا تتعطر منه فقط ترشه على الملابس بالدولاب واهم شيء مسك الطهاره تعطر فيه داخلياتها من القرشي تاخده وكمان مكعبات المسك
واظن الان تخفيضات خليها تاخد الداخليات والقمصان وجينزات وشنط ومكياج القمصان تاخد 4فخمه طويله والباقي دلع قصير وشورتات والمكياج كمان غلط تكثر تاخد حسب بشرتها خليها تستفيد من الاستغرام وتاخد لها معلومات وتنتبهه من التاجرات النصابات انا وامي جهزنا اخواتي احسن جهاز كانت كل وحده متميزه عند اهل زوجها موضوعك ذو شجون بس حبيت ارد على سريع ولي عوده ثاني الله يوفقها ويسعدها

الله يوفقها ويتمم لها ع خير ان شاءالله ويرزق كل انسه بالزوج الصالح...


بالنسبه للعطورات لازم يكون معاها اقل شي 2 عطور عربي عاد انا مااعرف فيهم كثير المهم ماتكون ريحتهم مركزه مره...


وبالنسبه للعطور الفرنسيه..
افضل شي للعرس عطور Burberryحلوه بكل اصداراتها وافضل انها تاخذ my Burbrrry هذا اخر اصدار وريحته تجنن وثابته ينفع للعصريات والكشخات وماشابه
وكمان عطور ديور بشكل عام حلووووين انا عندي مس ديور اللي لونه ع اصفر برضه ينفع للعصريات وكمان عطر Laya بتلاقيه بسيفورا ريحته تجنن مخلوط مابين عربي وفرنسي وتنفع حق العرايس


اما بالنسبه للعطور الليليه
212 Vip Rose
رووووعه وريحته ناعمه وخياليه وكمان عطور DKENY التفاحه الصفراء ريحته نااااعمه وخفيفه تنفع لليل ..




اما بالنسبه للشور والحاجات ذي تروح ذا بودي شوب تشتري طقمين او ثلاثه بروائح مختلفه...وتشتري عطور للجسم بعد الاستحمام...


والمكياجات مادام قلتي تبي باسعار معقوله
كريم الاساس ع حسب بشرتها اذا كانت دهنيه او مختلطه افضل تاخذ من REVLONاوLOREAL اسعارهم جدا معقوله
والكحل تاخذ من ميبلين او من انجلوت ضد الماء حلوين واسعارهم حلوه..


والارواج تروح ع سيفورا تاخذ منnyxاسعارهم جدا معقوله والالوان كثيره او اذا ميزانيتها تسمح تاخذ منMac


وباليت الشادو ع حسب اذا هي تحب الالوان القويه والكثيره تاخذ من سبفورا او تاخذ الوان طبيعيه بسبطه تنفع للايام العاديه والسهرات تاخذ من سيفورا ماركه ايربان ديكاي معاهم مجموعه تابليت شادو كثيره وافضل تاخذ Naked2و Naked 3 او تاخذ من سيفورا من ماركه توفيسد اسعارهم برضه معقوله وحلوه..


والبلاشر تاخذ من nyx او برجوا وكمان اقلام تحديد الشفايف تاخذ منNyx بتلاقيهم برضه في سيفورا


والمسكارا تاخذ من ميبلين الصفراء حلوه وسعرها حلو...


هذا اللي يحضرني الحين واي سوال انا حاضره واتمنى اني افدتك ولو بالقليل

اقصد باليت الشادو مو تابليت هههه دايم اغلط فيهم وكمان اقلام الحواجب من nyx او ميبيلين وفي منnyx كمان جل لو هي تقدر تستخدمه تاخذه بدون تردد لانه يدوم كثير ع الحواجب ومنظرهم يكون طبيعي وجميل وسعره كمان حلو ورخيص..

الله يرفع قدرك مذهله


الله يجزاكن خير أخواتي الله يحقق لكن ماتتمنن