تجهيز المواليد موضوع مهم نبي الهمه ........................

وانا كمان اختي انضم لكي

مشكوووووره
ياريت اذا فيه محلات تقليديه في الرياض الاقي فيها أغراض البيبي
تقولولي

هلا اختي سحوري ..
أنا وراكي وراكي .. هههههههه
أمس اشتريت من محل اسمه (واحة الجلابية) قمصان للرضاعه بس للضيوف ايلي تجي قطعتين بروب يعني وراقيه وهي ب 250 بس عنده خصم واعطاني الواحد ب 200 ريال , واخذت سنتيانات رضاعه من عندهه وعليها خصم ب (40) ريال , ولاتاخذي بحديده لانها تعور بالذات الصدر بعد الولادة بيكون كبير ومؤلم , وخذي مقاسها اكبر ..
وطبعا انا من جده ولكن هو له فرع بالرياض .. وكتبو البنات قبل عن موقعه فين بالرياض ؟؟ فمادام انك رايحه هناك استغلي الفرصه واشتري من عنده ..
وكمان (سيتي بلازا )فيه ماركات كثير بداخله ومن ضمنها ايلي هي (بيبي شوب) . انا اخذت للبيبي الفلينه الداخليه رووووووووعه , وكثرت منها , واخذت (6 مقاس من 0-3 شهور) وكمان (5 من مقاس 3-6 شهور) ولكن اغلبها نص كم لانها افضل للبيبي وفي منها ابيض وجاي بالجنب موديله رووووووووعه وقماشها كمان فظيع . وأخذت الباقي ملون(ليموني , سماوي) . بس أحس انها ماتنفع الا للخروج , فقلت أخليها لمن أخرج لان انا زياراتي كثير لاهلي واهل زوجي ..
بس أخذت من مذركير (فلينه داخليه وهي تجي 7 ب 100 ريال) قلت أخليها للبيت يلبسها . بس خذي مقاس (0-3) . وفي مجموعه تجي (4 مع بعض) وانتي براحتك .
واذا ماعرفتي نوع البيبي فخذي الالوان المحايده (البيج , الابيض , الليموني , السماوي , الاورنج) ..
وكمان بيجامات المواليد عنده روووووعهواخذت تقريبا 4 من (0-3) شهور , وتراها فخمه تنفع تلبسيها البيبي لمن تنامي عند اهلك ولا اهل زوجك .
وحاطين القبعات والمرايل اذ تبغي تكوني طقم مثلا ..
واخذت كمان الالبتوزات كم واحد من عندهم , تقريبا 4 مقاس (0-3) شهور .
وزي الرحركات الحلوه تلهي البيبي وتتعلق على الجلاسه او العربية حقته فيها لعاب أخذتها كمان .. وراح تلاقي كل شي هناك .. من شنط وساير للبيبي وبانيو للاستحمام ..
واخذت كمان القارورة بس 3 صغير , للاعشاب والمويه بس لان زوجي رافض ان اعطي البيبي حليب صناعي .
وكمان (الفرشه والمشط حق البيبي , قصاصة الاظافر , أعواد الاذن , قطن حق الصدر للأ/) تلاقيه في سيتي بلازا بس كمان في محلات الاخرى ايلي يبيعو أغراض للبيبي تلاقي الاشياء هذه عندهم .
وطبعا لاتنسي الفرشه والمشط للبيبي وكمان الطقم الكامل(العطر , شامبو , كريم , صابونه , ليفه , بودرة ) عندك كذا شركه (جونسون , شيكو) بس شيكو ماتحصليها الا بمحلات شيكو فقط .. وبصراحه ريحتها احلى من نونو وجونسون .. وتجلس مده في البيبي مو مثل عطر نونو تحطيه للبيبي وشويه تختفي ريحته ..
غطاء للبيبي شويه متين راح تلاقي انواع راقيه وحلوة من سيتي بلازا ..
لكن ياعيوني بالنسبه للاسبوعين الاولى من الولاده لازم تلفي البيبي وكذا وهذه الشغلات اسالي عنها أمك او احد كبير من فين تجيبيها .. لان انا بالنسبه لي حق الاسبوعين الاولى اخذته لي امي الله يخليها لي , والباقي انا كملته ..
عيوني شوفي محلات الهرم ايلي بالرياض لان له فروع هنا بجده ورحت لها واخذت قمصان للرضاعه بدون ارواب بس البسها مو قدام الضيوف لا كذا في الاوقات العاديه , وسعر الواحد 25 ريال بس والله بنت خالتي استهلكتها وهي مره ممتازة , لكن للضيوف خذي قميصين بارواب ..
وترى كثيررررر مواضيع بالقسم كتبو البنات فيها عن اغراض المستشفى والبيبي سوي بحث وراح تحصلي ..
في سيتي بلازا راح تلاقي مع ناحية المناشف حقت الماليد (مناشف صغيره مجموعه وتجي 7 والوان منها الليموني , الازرق , التركواز...) مع بعض في كرتون صغير ب 25 ريال , وهي تستخدم لمن تجي ترضعي البيبي تقومي تغطي صدرك بواحده من المناشف , وكمان تمسحي له فمه بعد الرضاعه .. )

يسلمو حبيبتي على تنزيل الموضوع لاني فعلا في حاجته ...
والحمدلله البنات ماقصروا...

البنات كفو ووفو ما شاء الله

بس انتبهي وقت الولاده يكون صيف او شتاء
وفين رح تكوني في الرياض او جده لان الجو يختلف
ولازم تراعي النقطه هذي في التجهيز