مشكورة يا ام ياسمينا فعلا الحقيبة اللي عرضتي عملية مرة وممكن الوحد تستفيد منها بعدين برضه وهي كبيرة بس خفيفة يعني ممكن اذا كان عندك اكثر من طفل تحطين اغراضهم بسهولة بدل ماتخصصين لكل طفل شنطة ..

الاخت امال ..

انا مجهزة شنطتي من 3 شهور وناسية ايش حطيت فيها بس بفتحها عشان عيونك واقول لك على الاغراض اللي فيها ..


بامبرز لحديثي الولادة

حليب صناعي اي نوع ( انا افضل نان 1 ) هو بس لاول الوقت بعد الولادة لان الرضاعة الطبيعية بتكون صعبة عليك بهالوقت بس انتبهي مجرد ماتشوفين نفسك قادرة تجلسي احرصي على الرضاعة الطبيعية ولا تتكيسلين :17:

شفاط الثدي

الاسفنج الدائري ( حفاظ الثدي ) لان الحليب بيكون ينزل بغزارة وبعدين تتوسخ ملابسك فضروري تكون معك

لفة للطفل عدد 5 شي قطني مرن وشي مو مرن عشان تحكمي لفه اثناء النوم

بربتوزات للبيبي وحاولي ماتكون مقاس صغير مرة عشان ماتشدين على سرة الطفل وهو توه طري وكمان لو كان ولد عشان ماتضغطي على الحفاظ وبعدين يعوره مكان الختان

بودرة السرة ( تحصلينها في الصيدليه ) وتستعملينها بحيث انك ترشي على سرة البيبي بعد كل تغيير عشان تجف بسرعة وتطيح

وبرضه مسحات طبية تعقمين فيها السرة قبل لا تحطين البودرة

رضاعة للحليب واخرى للموية

سكر نبات بودرة ( انا اعطيه لطفلي بعد تقريبا رضعتين عشان تفرقين عن الحليب)وبرضه هو مفيد للطفل ومغذي ومفيد للاصفرار طبعا طريقته انك تحطين في الرضاعة مقدار ملعقة صغيرة مع رقمين موية وترجين الرضاعة وتعطينها البيبي

قمصان للطفل قطنية لانها بتكون مريحة له عدد 3 او 4

ملابس حلوة خارجية اللي تجي قطعة وحدة بالنسبة لي اخذت تقريبا 8 قطع شي بكم طويل وشي نصف كم وشي كت ..

فوطة لتغيير حفاظ الطفل

عدة حمام الطفل من والى شامبو -صابون -بودرة - فرشة ناعمة - زيت - لوشن - كولونيا - مقص اظافر ( انصحك ب gerberحتى انا اقص اطافري فيه وما يتضرر مع انه عندي من سنتين مروش صغير ( تحصلينه في محلات الاطفال وهو زي جلاسة البيبي لكن القطعة التحتية تكون مخرمة ومخصصة للاستحمام وهي مرة عملية استخدمتها لحد ما كمل طفلي6 شهور بحيث انك تنظفينه من دون مايزلق من يدينك لا سمح الله )

برضه انا عشان اللي ببطني بنوتة اخذت جوارب صغيرة ملونة كذا لون بحيث تكون الالوان مناسبة لقطع الملابس اللي اشتريتها

مفرش صغير وشنطة للبيبي وغالبا ماراح تحتاجينهم الا بعد الاربعين عشان تبدين تروحين وتجين دامك في البيت منتي محتاجة شنطة

سرير للبيبي يكون بجانب سريرك

اممممممممممممممم وش بعد

ان شاء الله ما اكون نسيت شي

طبعا هذي الاغراض راح تاخين منها وتعزلينها في شنطة صغيرة بحيث تكون معك في المستشفى

بالاضافة الى اغراض ثانية لك راح تحتاجينها في المستشفى زي الملابس الداخلية والفوط النسائية وجلال غطاء ومنشفة خاصة فيك

برضة صابون معجون اسنان وفرشة شعر وربطات واستشوار ههههههههههههههه لا لا امزح الاستشوار لا تاخذينه




يارب تكوني استفدتي
:26:

مشكورين حبيباتي بس و الله انا انقطعت عن النت لاسباب خارجه عن سيطرتي في الكمبيوتر و انا مستحيه منكم لني ما رديت فالسموحه و انتوا ما قصرتوا كملتوا الموضوع احسن مني بعد

ااخخ

بس ذكرتيني بعدة السباحع للبيبي ما شريت و الله اني متاخره بكل شيء و انا اشكركم
الحين بالتاسع و للحين ما خلصت الشنطه تصدقون؟

ابي اسئل سؤال غبي شوي
انا عندي من قبل اطفال و لكن لم ارضعهم طبيعي

ممكن تعلموني شلون لاني بصراحه ما اعرف
في البدايه انا لا اعرف كيف اغصب الطفل على الثدي
ثم مع الوقت اتضايق من الجهاز اللي البسهم اياه
( الله لا يقول ان شاء الله ما يكون في البيبي الجديد نفسهم)
جهاز خلع
الطفل يكون لا يريدني بعد فتره و يطلب الزجاجه
و انا اتالم لهم و لبكاءهم فاحس بان الحليب نشف من النفسيه التعبانه

على الاقل اذا ماقدريت ترضعينه على الاقل اشفطي اللي بصدرك وعطيه اياه خليه يستفيد وعلى فكره انا ولدي ماعرف يرضع زين الا لما كمل شهر بس اهم شي لا تطنشي الرضاعه الطبيعيه
والله يسهل عليك وتقومي بالسلامه

مشكوره عزيزتي على الرد و انا كنت سامعه بالاسلوب هذا بس اخاف يوجع او يجرح الحلمه
هل جربتيه ارجو تفيديني

لا مايوجع الحلمه اذا استخدمتي نوع زين وانتبهي اشتري الشفاطه اللي تكون الرضاعه منها وفيها انظف واسرع