تجهيز النفاس

الله يقومك بالسلامه يارب

اهم شي جهزي لنفسك في علب اعشاب النفاس واجمعيها بصندوق عشان تكون قريب منك

انا جهزت ١-خلطة للهوم العشر الاولى فنجان حلبه مطحونه. ونص فنجان شمر وحبه سودا مطحونين. وملعقتين قرنفل مطحون
وبأكلها ملعقه على تمره عشان ماتحمل لوحدها

بعدها٢- خلطة الحليب. بنفس المقدار زنجبيل وفلفل اابيض وماش ملعقه على كوب حليب حار

٣- وشاي اعشاب بعد الغدا. قرفه وكمون ويانسون وزعتر بري. واذا تحبين تخلطينها مع قشر قهوه ونانخه وتصير قهوة قشر مع التمر المعبوط بالسمن والسمسم في العصر

وكمان ٤- دواء القهوه للشمم عنزروت ومره تحطين نتفه في فنجان قهوتك وتشربينها

٥- الرزنه. تكون بعد شوي على شاي الاعشاب


وجهزي لك بيتادين ومرهم مييبو للخياطه مع الفوط وخليها بالحمام

وجهزي كريماتك واسكينول وصوابين للبشره في صندوق عشان تستخدميها في الليل


وطبعاً لازم الاكل الصحي والبر واللحم والخضروات والمويه والسلطات تحرصين عليها طول الاربعين

واحرصي على الشيله والشراريب لايدخلك الهواء وبسسسسسسس هذا اغلب تجهيزي

نسيت اللهوم العشرين الاخيره خلطة الخمس فناجيل لقشر قهوه تلقين موضوعها هنا بالمنتدى



والبيبي اكيد لازم تجهزين له شنطه خاصه كوفلات قطن داخليه. وبربتوزات قطن. وطواقي للراس. وكوفلات صوف خارجيه حسب احتياجاتك وميزانيتك
واطقم الترويش من جونسون
ورضاعات مقاس ٦٠ م و١٢٠ م
. ومقسم الحليب
وفرشاة التنظيف للرضاعه.
وثلاجة للمويه.
ولهايه. حفايض. مناديل تنظيف ديتول.

تولدي بالسلامة يا رب

ما شاء الله ماقصرت ام الغلا الله يقومك وكل حامل بالسلامه

هلا والله حبيبتي ام شوق 
الله يقومك بالسلامه ان شاء الله وتجهيزات النفاس كثيره حبيبتي منها ملابس وقمصان رضاعه وكلوتات خاصه بنفاس تلقينها في الصيدليات حقت الاستعمال مره وحده  وادوية النفاس اكيد الكل يعرفها وبنسبه للفوط الصحيه استخدمي نينا ممتازه ولطيفه على الجسم وطفلك جهزي له ملابس تنفع لجنسه ورضاعات وانصحك بالرضاعه الطبيعيه فيها فوائد كثيره  واستخدمي له حفاظات بيبي جوي ممتازه جدا ومافيه اي تسرب وفيها فتحه للسره