تجهيز شنطة السفر

بالنسبة للملابس في السفر

بالنسبه لي أحب أول ما أوصل أفرغ الشنط وأحط كل شي بمكانه في كبت الفندق وأحط الشنطة
واللي تكون فارغة تماماً إما تحت السرير أو في مكان ما تسوي لي فيه زحمة, وهالشي أسويه
حتى لو كنت نازله يومين ورايحه أبد ما أحب أخلي الأغراض بالنشطة لما كل شوي تفتحينها
وتسكرينها مادري احسها مب عملية.

والملابس الملبوسة أحطها في أكياس (الغسيل) اللي تلقينها
دايم في الفندق ولها مثل الخيط من فوق عشان تسكرين عليها.

إذا كنت مطولة بعدني في الفندق أرسل الملابس للغسيل
إذا عندي ملابس غير نظيفه وأنا بعد شوي طالعه للمطار
أو مدينة ثانية أخليهم في الأكياس اللي قلتلج عليها وأحطهم بالشنطة
يكونون معزولين عن الملابس النظيفة تماماً, وبيني وبينج أنا أحب
دايم أحطهم في شنطة الجواتي.. إلا في حال ما كنت شايله شنطة ثانيه
أحطهم بشنطتي بس اتأكدأني سكرت عليهم عدل.

بالنسبة للملابس الداخلية أغسلهم بنفسي أول بأول, ماحب
أرسلهم لغسيل الفندق إلا إذا كنت متأكدة أنه العمال اللي هناك
كلهم حريم (في بعض الدول لاحظت أنه في أحيان يكون شباب)

أتمنى أكون فدتج, وراح نسمع تجارب البنات بعد.

روحــ لك ـــي

يزاج الله خير اختي على الرد .

روحــ لك ـــي طيب لما تغسلين الملابس الداخلية كيف تجففينهم وإنتي في الفندق؟

أنا بالنسبة لي أحط الملابس الوسخة في كيس وأجمعها لين ما نسافر وبعدين احطها في الشنطة وماتأثر على البقية ..

أما الملابس الداخلية خذي كمية بعدد الأيام والمرات اللي تحتاجينها لأن غسيلها بيكون صعب ..
وإذا بغيتي تنشفينها ممكن تحطينها على علاقة وفي الدولاب ما يبين ولين الصبح يكون ناشف ..

وممكن تاخذين معاج كواية صغيرة ..للفندق وتستخدمينها بعد ما قاربت إنها تنشف ..علشان تقتلين أي جراثيم وميكروبات فيها ....

أما العباية مثلا دايما أرسلها للغسيل في الفندق نفسه لأنها تكون كبيرة وتاخذ مكاان علشان تنشف ..
:26:

اصداء ..

أول شي مبروك حبيبتي والله يهنيج إن شاء الله :)

وبالنسبة لسؤالج .. في موضوع انطرح من زمان في المنتدى بخصوص ترتيب شنطة سفر العروس

وهذا هو الرابط:

ترتيب شنطة العروس لشهر العسل

أتمنى إنه يفيدج حبوبه :)