تجهيز شنطة شهر العسل

اكم قميص نوم بتاخذين وكم عطر وكم فستان وكم جزمه
كم جينز وكم تي شيرت
وايش الاشياء اللي ممكن تنقصك
اولويز- فوط يوميه - اعواد اذان - معقمات للمناطق الحساسه - سيشوار
ابي تكتبون كل شي
بالتفصييييل علشان نساعد بعض ولا ننسى شي ابد

مشكوووره على الموضوع

والله عرسي في صيفي وبعده شهر العسل

ومب عارفه شو اخذ وياي
انا فكرت اخذ وياي قمصان وجينز وكمن فستان والعطور والمكياج وكمن عبايه وشيله لانه ريلي مابيخليني اعق العباه في سفر ، سيشوار انا اشوفه مايحتاي لانه في الفندق نفسه يكون فيه بس للاحتياط لازم ناخذه ، فوط يوميه ، كريمات وشامبو وصابون ، نعال وبووت ، قصمان نوم ، شباصات

سؤال بس لاتقولون علي غبيه لاني صراحه مافهم بهاي سوالف شو معقمات المناطق الحساسه

تفضلي هذا الموضوع بيفيدك
الأشياء الضرورية للعروس لازم ماتنساها وخاصة في شهر العسل

اختي العاشقه
بالنسبه للاغراض اللي ذكرتيها اكيد اشياء مهمه بس انا مو عارفه وش اخذ معاي كم
يعني كم قميص نوم واخذها كلها ساتره وطويله ولا اخذ شي فيه دلع واغراء
لان انا ما اعرف العدد يعني وحده بتجلس شهر كم قميص نوم تاخذ وكم جزمه وكم وكم

اما بالنسبه للمعقمات والمعطرات للمناطق الحساسه
هذي اشياء ضروريه علشان ما يصير عندك التهابات بعد اول اتصال جنسي تعرفين هو فيه دم وجرح ولازم له تعقيم وتطهير علشان ما يلتهم وينكد عليك شهر العسل
تلاقين هالاشياء بالصيدليه اي صيدليه واذا انتي بتروحين طبيبة نساء احسن علشان اذا تبين تاخذين حبوب حمل تكتب لك المعقمات والمعطرات
اما المعطرات هذي مره مره مره حلوه لان تعرفين احنا الحريم ينزل معانا سوائل لها ريحه مو حلوه وتترك اثر ريحتها علشان كذا تلاقين بالصيدليه او لو سالتي طبيبتك معطرات زي الغسول تقتل البكتيريا وبالتالي تروح الريحه
وبس والله يوفقك ويوفقني قولي امين ويسخر لك ويسخر لي يا رب
والله يجعلك ويجعلني احب لرجالنا من الدنيا وما فيها الا منه عز وجل وكتابه ونبيه ودينه قولي امين

عطر الليالي
الف شكر على الرابط
بس برضه نحتاج لتفاصيل اكثر