تجهيز عروووووس

طبعا اول شي الف مبروك زواج اختك وبارك الله لهما وبارك عليهما وجمع بينهما بخير...

اول شي تسوينها الملابس شوفي كم قطعه انتي بحاجه لها يعني انتم اهل عزايم وزيارات فصلي او اشتري جاهز انتي وذوقك على حسب الحاجه مثلا 3 فساتين رسميه يعني تكون متعوب عليها

و3او4 فساتين هاديه مشجر على ساده او شيفونات بس ماتكون رسميه بزياده
جلابيات كشخه ومن النوع الثقيل تقريبا 3 او 4 وبتطقيماتها يعني الشبشب والاكسسوار انا افضل شبشب كعب عالي مع الجلابيات احشن من الجزمه و الصندل..

جلابيات هاديه ,بلايز وتنانير كشخه من الذوق اللي تحبين وهذي عااد خذي راحتك فيها لان هذي اكثر شي بتنلبس وعروس يبي لها ماتكرر اللبس هذا كثير ...

عندك اللانجري فيه محل واحه الجلابيه عندهم اطقم واسعارهم مرره حلوه الطقم يجي فيه كذا قطعه بيجامه وقميص طويل وقصير وووفيه كذا شغله
وعندهم قمصان عرايس جناان خذي اللي تحبين واطقم الارواب الحمام انا عن نفسي احب هالمحل بلا نعومي بلا خرابيط ...

وعندك لاسنزا حلو البجايم القطنيه ...وقمصان قطنيه بعد...

بعدين اذا كنتي في الرياض روحي لشارع السويلم او اسواق المعيقليه طبعا الكل يعرف موقعها وين وبتلقين عندهم العطورات والمكياجات فيه الماركات اللي تبين الا مااك موموجوده عندهم واحيانا يقول لك اجيب النوع اللي تبين ..
العطورات نوعي فيها القويه والبارده وعطورات الجسم وعطورات النهار والليل يعني اهم بيورونك اللي عندهم وخذي كريمات جسم ولوشون وشمبوهات اوعندك محل بدي شوب عندهم الاطقم هذي رووعه اللي هي شامبو وبدي لوشن وشاور جل وعطورات كلها نفس الرائحه تاخذ طقمين او 3 وواحد لزوجها وهو بعدين يكمل له الباقي حسب ذوقه...
والاشياء الباقيه معروفه جزم زشنط واكسسوار ومفارش وطقم للحمام وسجادات صلاه ...


والله يعينكم على وجع الراس والفرفره في هالحر...
وان شاء الله اكون افدتك ولو بالقليل..وعلى فكره هذا تجهيز اغلب بنات الرياض او اهل نجد وكل واحد وله طريقته في التجهيز...

مرحبا وبالتوفيق ****لله انا افضل انكتحطين قائمه بالاغراض اللي تبغين تشترينها وكل يوم تخلصين قائمه معينه يعني العطور والمكياج لوحدهم والاكسسوارات واغراض الشعر يعني استشوار وشباصات لوحدهم والملابس لوحدهم والشنط والجزم لوحدهم كذا ترتاحين ويكون كل شي منظم علشان تروحين وفي باللك اشياء معينه راح تخلصينهاماتحاتسين والله يعينك ****لله