تجهيز مواليد .. بليز المساعده

السندريلا الهادئه :

يابعد عمري ياعبقرية كويتية كنك تتكلمين عني انا اول واحدة اتزوج في العايلة وماعندي خبرة في الاطفال ولا التجهيز لهم وكنت راح انزل موضوع بس خلاص موضوعك يكفينا يالله يابنات ساعدونا مالنا غيركم

يابعد عمري ياعبقرية كويتية كنك تتكلمين عني انا اول واحدة اتزوج في العايلة وماعندي خبرة في...

hamhan :

السلام عليكم ورحمة الله وبركاته اول شي بقولك ألف مبروك والله يتمم عليكي يارب يرزقك الذرية الصالحة البارة السليمة من كل النواحي لكي ولكل الحوامل اللهم آميييييييييييييييين:42: بالنسبة لي الحمدلله عندي اخت اكبر مني ولها خبرة كبيرة مع امي بهالأمور وانا للحين ما ولدت بس على وشك :) شوفي حبيبتي بالنسبة للتجهيزات الخاصة بالبيبي بالنسبة لي انا تنقسم لقسمين بالنسبة للهدوم نوعين نوع عملي ويكد معاك ونوع كشخة للاستقبال والطلعات بالنسبة للمستلزمات العادية العملية تلقينها في مذركير ولاند مارك وبريماما وماررك اند سبنسر وديبنهامز طبعا تلقين عندهم معظم الشغلات العملية ابتداء من الملابس الداخلية بانواعها الى الملابس العادية مثل الافارولات والبدل الخفيفة اللي من قطعتين او من ثلاث قطع وتقين عندهم بعد المهادات ولفات البيبي والفوط وعدة الحمام والغسيل من البودرة والكريمات والشامبو والصابون السائل وطقم فرشة الشعر والمشط مع المقراضة ولا تنسين ترمومتر الحرارة انا جبت الديجيتال والشريط وعندك بعد كريم المضاد لاتهابات الحفاظات واحسنها سودو كريم من مذركير وممكن تلقينه بالجمعيات بعد وعندك بعد جهاز تعقيم الممات اقصد الرضعات واحسنها نوع موجود في محل ناتالي من ماركة ريموند بحوالي 39-38 دينار ومحلهم في ليلى جاليري وعندك بعد اكياس البيبي العملية تلقينها ايضا عند ناتالي وعند مؤيد المير ولحظات في المهلب تحت وايضا في محل بالسلمية ف المجمع المقابل لبهمن فيه محل اطفال يجيب اطقم للبيبي مثل الكيس وكفر االسرير وغيرها . في خالمحلات بعد تلقين الرضاعات الزجاجية والبلاستيك بانوعها ولا تنسين الفوط الصغيرة لمسح وجه البيبي والفوط اللي تنحط على الكتف عند حمل البيبي عشان ما يوصخ هدومك بالترجيع مثلا وطبعا عندك السداري وهي اشكال والوان منها المبطن بالنايلون ومنها العادية ومنها الكبيرة والصغيرة حسب حاجة الاستعمال ولا تنسين الملابس الداخلية ولا تكثرين من مقاس نيوبرون لأنه بيكبر بسرعة يعني كثري من مقاس صفر الى ثلاثة ولا تكثرين من المقاس الأصغر بالنسبة لهدوم الكشخة والطلعات والاستقبال عندك طبعا محل لحظات في المهلب ومحل لغز الأطفال و ناتالي وجاكادي طبعا تلقين كل شي عندهم حتى لو تبين السرير واالطقم معاه ممكن تلقينه عندهم وايضا عند ناتالي ممكن تطلبين من الكاتالوج اللي عندهم لو عجبك شي مو متوفر بالمعرض لا تنسين سرير ودولاب للبيبي ولو كان طقم يكون اخلى طبعا في غرفة مجهزة بديكور للبيبي الشغلات هذي ممكن عند مذركير وايكيا وصفاة الغانم وناتالي ولاند مارك بس اختاري شي ذو جودة عالية عشان يعمر معاك وما يتفكك عليك كل شوي وايضا انا وحدة ما احب اسبح البيبي في الحمام احسه صغيرون على الحمام فجبتله جينجر وهو عبارة عن ادراج فوق بعض وعلى قمتها بانيو صغير تملينها ماي وقت الغسيل وبعد ما تخلصين تصرفين الماي من خرطوم فيه وبعدين البانيو هذا مغطى برف ممكن استعماله للتغير للطفل والادراج تحطين فيها هدوم البيبي العملية اليومية وبجذيه انتي تستخدمينه لتخزين جزء من ملابس الطفل ورف للتبديل وبانيو ايضا يعني 3 في واحد يعني وايد عملي وهذا تلقينه في لاند مارك بحوالي 65 دينار ومعاه حتى طقم لكرسي الأكل بس ما افضل شراء الكرسي من الحين لأنك ماراح تستعملينه فخليه بوقته احلى تنزل شغلات جديدة . اذا كنتي من النوع اللي ممكن يطلع مع البيبي بروحكم من دون أحد معاك يمسكه فمن الأفضل انك تشترين عربانة مع كرسي صغير البيبي وهم عادة يجيون طقم والكرسي هذا وايد مريح ممكن تشيلنه معاكي في اي مكان حتى داخل البيت يعني مو بس للطلعات وتقدرين تستخدمينه كهزاز اذا ماكنت غلطانة خليني اشوف اللي جبته عشان اتأكد عموما هالسوالف عند مذركير ولاند مارك اكثر شي ماركة جراكو . طبعا راح تحتاجين شنطة للبيبي ممكن تاخذين وحدة عملية من مذركي ر او اي مكان ثاني كطقم مع السرير وتاخذين وحدة كشخة من لحظات مثلا. راح تحتاجين لممصاصات وقبعات عملية مع قفازات عشان ما يجرح البيبي وجهه بأظافره وممكن تجيبين كم قبعة كشخة على لون هدومه الرسمية طبعا مه الدلاغات والجواتي مقاس 16 واذا اصغر يكون احسن بعد . هذا اللي اذكره واذا طرى على بالي شي ثاني بكتبه ان شاء الله واتنى اني اكون فدتك بشي.

السلام عليكم ورحمة الله وبركاته اول شي بقولك ألف مبروك والله يتمم عليكي يارب يرزقك الذرية الصالحة...

عبقريه كويتيه :

مشكوووووووووووووووووووووووووووووووووووورة يا عمرررررررررررررررري ويعطيج الف الف عافيـــــــــــــــــــــــــــه :26:

مشكوووووووووووووووووووووووووووووووووووورة يا عمرررررررررررررررري ويعطيج الف الف...